Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

La Biblia ¿de xí raniʼni?

 MIDID 15

Toib profeta rabiʼ xí gac ló dzú ni sietra ló visión

Toib profeta rabiʼ xí gac ló dzú ni sietra ló visión

Daniel racaʼ de Gobierno xtuny Dios né dzú guidxin Mesías. Babilonia ranitló

DANIEL gócbu toib israelita ni buny ni ná Dios né goyeebu xomod buñ press lainy gudx Babilonia órni nacsabu toib mbioxhlasien antes de nanitló Jerusalén. Tipnés judíos ni goyee toibsi né láabu xomod buñ press moda cuaʼyibu lagary par gonyibu stipnés cós. Ló guirá íz ni bibanybu lainy gudx Babilonia, Dios guirá ór goyoʼbu né Daniel. Dios gocnébu Daniel par nareʼbu nabany lainy xcarió betz né bunybu que Daniel labúu nabiʼ xí tzagac ló dzú ni sietra. Profecías ni más rareʼ loguiaʼ de guirá ni bicaʼ Daniel láani ngú ni raniʼ de Mesías né mod gony Mandarybu.

Daniel ran pu dzú guidxin Mesías. Daniel goniʼ balac íz nadudy par nadxin «Mesías ni nac Caudillo». Láabu golexabu láani modreʼ, nadudy 69 xomal de íz né nasaló nagabyibu láani órni ñoʼ ni naniʼ que gactzay muro xtuny Jerusalén. Xomodca toib xomal ni sitné gatz govitz, scúca xomal de íz ni rasetlani non gapni gatz íz. Ló íz 455 antes de ló xtzúno goyoʼ ni goniʼ que gactzay muros xtuny Jerusalén, ndeʼ góc ma xidzú de goló goity Daniel. Pal íz reʼ rasaló ragabno 69 «xomal» —o 483 íz—, radxinno ló íz 29 ló xtzúno. ¿Xí góc ór cú? Ló stoib Midid guibiʼno láani. Daniel láaca bibiʼ ló visión que Mesías saity, par quiixbu xcalkié buñgudxlio (Daniel 9:24-26).

Mesías nasaló ñony mandary lainy guibá. Ló toib visión ni radziguiaʼ buñ, Daniel bibiʼ a Mesías «xomod xiin toib buñgudxlio», ni cabigax ronoʼ Dios. Ór cú, Jehová biduidy «galmandary né respet né gobierno» láabu, toib gobierno ni gony mandary por tipzó. Daniel láaca gon stoib cós sacróyen de Gobierno reʼ: que ni gony Mandary sonybu láani né stipnés buñ ni Dios ma golú (Daniel 7:13, 14, 27).

Gobierno reʼ sanitlóni xcalmandary buñgudxlio. Dios buny que Daniel nabexa toib bacaʼal ni gop Nabucodonosor, ni buny mandary Babilonia. Ló toib bacaʼal Nabucodonosor bibiʼbu toib imagen, guicni góc de or, ladxdaʼni né xiʼkni gocni de plata, lainyni né córni gocni de cobre, barlaisni gocni de guip né ñeʼni gocni de guip ni biotz né been. Láaca bibiʼbu órni toib guiee bireʼni guic toib dainy né cuáni ñeʼ imagen reʼ né imagen reʼ biooynoyni. Daniel gochbu a Nabucodonosor que guic imagen reʼ raduidyni diitz Babilonia né stipnésni raduidy diitz stipnés potencias mundiales ni tzoʼ. Gobierno xtuny Dios nasaló ñony mandary ló xtzú última potencia —ñeʼ imagen ni góc de guip ni biotz né been— né sanitlóni guiráxadit ni rony mandary ló Gudxlio. Ór cú Gobierno xtuny Dios ma gony mandary por tipzó ló guidopynac Gudxlio (Daniel, capítulo 2).

Por ni Daniel bibany xidzú íz labúu bibiʼbu órni binitló Babilonia. Ciro binitló láani mod goniʼ tipnés profetas. Diti xidzú órni bisaʼ setent íz de goló binitló Jerusalén, judíos bireʼyibu de Babilonia. Goyoʼ tipnés sacerdotes, profetas né tipnés ni buny mandary ni gosanir nislóyibu par ñonytzaayibu Jerusalén né yoʼ xiroʼ ro bienyibu Jehová. Per ¿xí góc órni godudy 483 íz ni goniʼ Daniel?

(Bireʼni ló libro de Daniel.)