Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

La Biblia ¿de xí raniʼni?

 MIDID 26

Gudxlio radxin rac toib lagary móz

Gudxlio radxin rac toib lagary móz

Jehová saquiimbu xcalmandary Jesús né modreʼ sonybu que laabu gac nayaa, guinitlóbu cós mal né saslooybu que nosi láabu non gony mandary

REVELACIÓN ni nac último libro ni sieed ló la Biblia ni bicaʼ Juan ronyni que buñ guisac sacró. Libro reʼ napni xidal visiones ni gac cumplir órni Jehová gony guirá ni goniʼbu nírcu.

Primer visión rasetlani de Jesús ni biás lad gueʼet ni racné né ralitz xidal congregaciones. Ló stoib visión rasetlani de trono xtuny Dios ni noʼ lainy guibá né láaca noʼ ángeles ni cayony xiroʼ a Jehová.

Órni guilox gac ni goniʼ Jehová nírcu, Xiil ni nac Jesucristo racacuentbu toib rollo ni nap gatz sellos. Órni raxalbu tap de láani rareʼ tap buñ ni dxiip mainy. Primer ni rareʼ ngú Jesús ni ma cayony mandary né dxiipbu toib mainyquiich. Né stzóncu dxiip mainy de gadzé color, né ndeʼ raduidy diitz guerr, galrralán né galguitz ni ragaitygoluʼ buñ, guirá ndeʼ raslooy que gudxliogoxreʼ mápa mer guidubylagaʼ. Órni raxal gatz sello, buñ racadiag gatz xirudx trompeta, ndeʼ raslooy juicio xtuny Dios. Guirá ndeʼ raslooy sa gatz plagas ni raslooy xcalnadzuitz Dios.

Ló visión Juan rabiʼ que Gobierno xtuny Dios nac xomod toib badaʼ ni noʼ lainy guibá. Rasaló guerr, Buñdzab né xidemony rareʼyibu guibá né rietjyibu ló Gudxlio. Ór cú rien toib rudx ni ná: «Maláy de gudxlio». Buñdzab nigolú cadzuitz, portín ma nanbu que mápa mer guinitlóbu (Revelación 12:12).

Juan rabiʼbu Jesús lainy guibá xomod toib xiil né ni noʼ né láabu ngú 144.000 ni golú Dios lad buñgudxlio. Né layibu sony mandaryibu né Jesús. Ló libro de Revelación raduidyno cuent que noʼ stipnés ni gony mandary né Jesús né nacyibu 144.000 buñgudxlio (Revelación 14:1; 20:6).

Guirá ni rony mandary ló Gudxlio sadopyibu ló Armagedón o «guerr de xtzú rodann Dios ni nap Xiroʼgolu galnadip», né racalóyibu Jesús ni dxiip mainyquiich né a guirá ángeles xtunybu. ¿Ximod ralox galrradíil reʼ? Guirá ni rony mandary ló Gudxlio ranitlóyibu, né Buñdzab riegbu. Jesús né 144.000 rony mandaryibu ló Gudxlio por 1.000 íz, né órni rasaʼ íz reʼ Buñdzab láaca ranitló (Revelación 16:14; 20:4).

¿Xí láani gony Gobierno xtuny Cristo por guirá buñ ni rasob? Juan racaʼ: «[Jehová sasiá] nís ni rareʼ bisalóto, galgoity ma diti sioʼni más, ma diti sioʼ ni guisac maláy, láaca ma diti sioʼ ni guicalas rudx, láaca diti sioʼ ni tudy ló galrrioʼob. Cós ni ma góc ma godudyni» (Revelación 21:4). Scú láani, Gudxlio sadxin sac toib lagary móz.

Libro de Revelación ralox raniʼ diitz ni rasetlaa la Biblia. Gobierno xtuny Jesús sonyni que laa Jehová gac nayaa né sanitlóni guirá cós mal ni noʼ né guislooyni que nosi Jehová non gony mandary.

(Bireʼni ló libro de Revelación.)

PAR GANNLO MÁS

¿Xí ngú Gobierno xtuny Dios?

Xidal buñ rimbuyibu laay Padrenuestro. ¿Xí raduidy diitz: «Guieed Gobierno xtunylo»?