Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

La Biblia ¿de xí raniʼni?

 MIDID 24

Pablo raxel guiich lóo cristianos

Pablo raxel guiich lóo cristianos

Pablo raxel guiich par gacnébu cristianos

CONGREGACIÓN cristiana ni pénsa gosaló, buny cumplir ni goniiny Jehová nírcu. Per guirá herman reʼ nigolú cualóyibu galnagan lainy congregación né láaca stipnés galnagan. Per ¿ximod cualóyibu láani? Veintiun guiich ni sitné Escrituras Griegas Cristianas nigolú gocnéni layibu.

Pablo bicaʼbu 14 guiich de Romanos a Hebreos. Guirá guiich reʼ sitnéni laa guirá ni cuacuent láani, pal nacni toib buñ o toib congregación. Guibiʼno de xi temas goniʼbu.

Litz ni racné lóono. Guirá buñ ni rony galyoxh o stipnés galkié rodann né diti rasian láani «diti sioʼ lainy Gobierno xtuny Dios» (Gálatas 5:19-21; 1 Corintios 6:9-11). Buñ ni rasob a Jehová non guiguaʼyibu toibsi ná nacyibu de stoib lagary o de stoib gudx (Romanos 2:11; Efesios 4:1-6). Non gacnéyibu saʼyibu (2 Corintios 9:7). Pablo raibybu herman guinabyibu lóo Jehová órni goniʼbu ndeʼ: «Colguinab lóo Dios diti guisianto gonyto láani» (1 Tesalonicenses 5:17; 2 Tesalonicenses 3:1; Filipenses 4:6, 7). Non gapyibu fe né modreʼ Dios sacadiag layibu (Hebreos 11:6).

¿Xí litz biduidy Pablo a guirá family? Buñguieeu non gandxiʼ tzeʼel xomod láacabu. Scúca buñgonaʼ non gap respet tzeʼel. Láaca Dios ranab que mbiox non guisob bixios né xinaʼ né non guisuidyibu ximbioxyibu né galnadxiʼ xomod rasetlaa la Biblia (Efesios 5:22–6:4; Colosenses 3:18-21).

Ni nainy Dios gony. Xiley Moisés gon né bisanés a guirá israelitas dada bidxin Mesías, ni goniʼ Dios guieed. Per guirá cristianos ma diti biquiin nasobyibu ni ná Ley reʼ (Gálatas 3:24). Ló guiich ni bixel Pablo par cristianos ni góc judíos golexabu xí raduidy diitz Ley né ximod ma góc cumplir ni goniʼ Dios órni bisetlabu de Cristo. Golexabu que ni sieed ló Ley gocni toib profecías. Guibiʼno ximod, ni israelitas bigaityibu nimal biduidyni diitz xcalgoity Jesús modreʼ godixbu xcalkiéno por tipzó (Hebreos 10:1-4). Por ngú xcalgoity Cristo bunyni que acuerdo xtuny ley ma diti naquiinni (Colosenses 2:13-17; Hebreos 8:13).

 Mod rony congregación dxiin. Guirá buñguieeu ni nap privilegios raquiin gacyibu natzaayxat né guisobyibu guirá ni ná la Biblia (1 Timoteo 3:1-10, 12, 13; Tito 1:5-9). Láaca nigolú rasac que guirá ni rony ni ná Dios non guidopyibu guirá xomal par guisuidyibu ni ná Dios né gacnéyibu saʼyibu (1 Corintios 14:26, 31; Hebreos 10:24, 25).

Órni Pablo bicaʼbu ni rarop guiich par Timoteo noʼbu stoib lainy gudx Roma né lainy press, né nigoreʼ cabésbu xi gaiby jueces láabu. Nosi tipnés herman ni gop balory goyguen láabu ná goyoʼyibu ló riesga. Pablo gonbu que ma cabigax dzú ni gaitybu né bicaʼbu diitzreʼ: «Ma godila galán galrradíil ni noʼ, ma bixoni dada bistubylagaya láani, né naʼ diti ma bisnita fe ni napa» (2 Timoteo 4:7). Sigory diti xidzú buñ bigaity láabu, per guirá guiich ni bicaʼbu gocnéni guirá cristianos par diti guisianyibu Jehová, né dada ló naareʼ racnéni herman.

(Bireʼni ló Romanos, 1 Corintios né 2 Corintios, Gálatas, Efesios, Filipenses, Colosenses, 1 Tesalonicenses né 2 Tesalonicenses, 1 Timoteo né 2 Timoteo, Tito, Filemón né Hebreos.)