Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

La Biblia ¿de xí raniʼni?

 MIDID 2

Bisnityibu lagary móz

Bisnityibu lagary móz

Toib ángel godxitquelbu Adán né Eva par diti nasobdiitzyibu Dios. Gosaló goyoʼ galkié né galgoity ló Gudxlio

DZÚ yása guisaʼ Jehová buñgudxlio bisaʼbu xidal ángeles ni diti labúu rabiʼno. Toibticabu —ni bidxin góc laa Buñdzab— cualóbu Dios né godxitquelbu Eva par ñoo xcaa yac ni Jehová goniʼ que diti non guáyibu.

Buñdzab biquiin toib beʼel par goninébu Eva né biduidybu diitz que láabu né tzeelbu casnityibu cós tzaay xtol Dios. Láaca goniʼbu que pal guáyibu xcaa yac reʼ diti saityibu; modreʼ biduidybu diitz que Dios biscúbu Adán né Eva. Buñdzab godxitbu xpensary biinreʼ órni goniʼbu que pal diti sasobyibu Dios layibu labúu ñapyibu xiroʼ galnann né labúu ñonyibu nitisi nainy layibu. Per guirá ndeʼ gocni toib galrrascú: primer galrrascú ni goyoʼ ló Gudxlio. Buñdzab biduidy diitz ndeʼ: Dios diti labúu rony mandary galán, nagan guirá ni ranabbu né diti raquiin guisobno láani.

Eva biluladx guirá ni goniʼ Buñdzab. Goniiny ñoobu xcaa yac reʼ, né godóbu láani. Ór cú biduidybu láani tzeelbu né ndeʼ láaca godó láani. Ralooypani diti mal ni bunyibu, per ndeʼ biduidy diitz que diti goniiny layibu guisobyibu Dios, ndeʼ góc toib galkié rodann. Layibu gondxichyibu xí ngú ni cayonyibu: cacalóyibu xcalmandary ni Bisaʼ layibu, ni biduidy guiráca ni caquiinyibu, né Dios láaca bisaʼ layibu par guibanyibu sin galkié.

«Láabu guitachbu guiclo né looy sonynaalo xañeʼbu.» (Génesis 3:15)

Dios diti bituidy scásiʼ ni bunyibu. Primer goniʼbu que ló dzú ni sietra guixelbu toib ni guinitló beʼel cú o Buñdzab, né láaca goniʼbu que Adán né Eva ñaityibu. Per binladxbu xiin Adán né Eva ni yása gál, por ngú diti binitlóbu biinreʼ ni maca. ¿Xí esperanza nap guirá xiin Adán? Jehová goniʼ que buñ ni guixelbu guisiádit guirá cós mal ni goyoʼ xtol galkié ni góc lainy Edén. Per ¿chú láabu ngú ni guilaa buñ, né ximod ñonybu guirá ni nainy Dios? Galrracapy reʼ birexani conforma godudy íz, conforma cuá la Biblia.

Dios bilaʼkbu Adán né Eva lainy lagary móz cú. Dzú ni bireʼyibu lainy lagary móz cú layibu bunyibu dxiin nadip par nadxinaʼyibu ni ñoʼyibu, né ór cú goyoʼ primer xiin Eva, ni góc laa Caín. Después Adán né Eva goyoʼ más xiinyibu buñguieeu né buñgonaʼ, ladyibu goyoʼ Abel né Set, ni bibany dzú ni yása gál Noé.

(Bireʼni ló Génesis capítulos 3 a 5 né Revelación 12:9.)

PAR GANNLO MÁS

¿Xí nainy Dios gony né Gudxlio?

La Biblia rabexa xigony bisaʼ Dios Gudxlio, pu dzú guinitló galrrioop, né chú guibany ló Gudxlio móz ni guiedra.