Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

La Biblia ¿de xí raniʼni?

 MIDID 6

Job rony ni ná Dios

Job rony ni ná Dios

Job rony ni ná Dios, ná Buñdzab goniʼ que diti labúu ñonybu láani

¿LABÚU sony buñgudxlio ni ná Dios ná racalóyibu xiroʼ galnagan la? ¿Labúu sonyibu ni ná Dios ná ralooypani diti noʼ pu sacnéni layibu la? Toib buñguieeu ni góc laa Job cuapy galrranabdiitz reʼ. Guibiʼno ximod bunybu láani.

Job gócbu xfamily Abrahán né bibanybu lainy toib gudx, ni nigoreʼ rimbuno xomod Arabia, ló dzú ni israelitas bibanyibu lainy gudx Egipto. Toibtica dzú guirá ángeles bidopyibu nisló Jehová lainy guibá, Buñdzab láaca goyoʼ ladyibu. Nisló guiráyibu Jehová goniʼ que Job nac toib buñtzay, né que napbu fe lóo Dios. Per Buñdzab goniʼ que Job riembu Dios portín Dios raduidy galnasác né ran láabu. Láaca goniʼbu que pal Job nasnit guiráca ni nap, ma diti ñonybu ni ná Dios.

Dios biduidy lagary que Buñdzab ñaʼx guirá cós ni gop Job, nagaityibu guirá xiin Job né bunybu que Job naxoʼsii. Job diti gon pal Buñdzab cayony láani por ngú diti biembu xigony Jehová caduidy lagary tudybu ló guirá galnagan reʼ. Ná godudybu ló guirá ndeʼ, láabu bunybu ni ná Dios.

Ór cú tzón buñ ni ná que nac ximigbu goyguen láabu. Layibu goniʼyibu: Looy bunylo cós mal. Por ngú Dios catuidy looy ló galnagan. Láaca goniʼyibu: Dios diti nadxiʼbu buñgudxlio. Láabu nanbu que buñ diti labúu sony ni nábu. Job diti goloʼ cuent guirá ni goniʼyibu. Job cuapy: Ná gati diti sasiana Jehová. Looy labúu guidzel lo guirá ni goniʼyibu ló libro ni laa Job.

Per Job goyoʼbu más ló galrrasaʼ por láasibu. Per toib mbioxhlas ni laa Elihú ni bicadiag guiráni, gochbu Job: Looy nálo que looy naclo toib buñtzay né diti naplo galkié né que Dios diti cayony xinésni. Guirá ni raniʼlo diti nigolúni. Elihú láaca godilnébu chop ximig falz Job.

Después Jehová bislooybu Job xidal cós ni noʼ lainy guibá né Gudxlio. Job cuapy: Jehová, looy ngú ni nap más galnadip que lóodo ni nacdo buñgudxlio. Lóodo nigolú mitien nacdo nislólo. Jehová nacbu toib Dios natzaayxat né napbu galrronladx por ngú bisialbu xcalguitz Job, goyoʼ sa chii xiimbu né xcósbu bidal chop midid más que ni gopbu nírcu (Santiago 5:11). Job buny ni ná Dios né cuapybu galrranabdiitz ni buny Buñdzab. Né bislooybu que buñgudxlio labúu rony ni ná Dios ná racalóyibu xiroʼ galnagan.

(Bireʼni ló libro de Job.)