Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

La Biblia ¿de xí raniʼni?

 MIDID 20

Xcalgoity Cristo

Xcalgoity Cristo

Jesús rony toib lanii copy; rony cuentyibu né ragaityibu Jesús ló yac nadop

JESÚS ma sané tzón íz gorol de goló casaabu caniʼbu xtiitz Dios né ma nanbu que ma yaaca gaitybu. Buñ ni rasanir ló religión cayopy mod guigaity láabu, per radzuibyibu guicaló gudx layibu portín rabiʼyibu Jesús xomod toib profeta. Ór cú Buñdzab bikíilbu Judas Iscariote par gonycuentbu Jesús ni nac xomextrabu. Buñ ni rasanir ló religión godix láabu 30 nilas de plata.

Goxin ni ma gaity Jesús bidopbu né xpiimbu par gonybu xilanii Pascua. Después ni gonabbu Judas guireʼ, Cristo buny toib lanii copy: Cena del Señor. Cuaʼbu tiplaʼ páa né gonabbu lóo Dios né bitzobu páa reʼ par 11 de xpiimbu. Ór cú golexabu: «Ndeʼ raduidy diitz ladi ni lóoto guicaʼto. Diti guisian gonyto láani par guisetnaladxto naʼ». Órni bilox bunybu ndeʼ bituidybu toib copa ni nap vino né goniʼbu: «Copa reʼ rarexa acuerdo copy por xiruni, ni non guixú par lóoto» (Lucas 22:19, 20).

Gueʼel ni ma gaity Jesús goyoʼ xidal cós ni gochbu xpiimbu. Láaca biduidybu toib mandary copy layibu: gandxiʼyibu saʼyibu. Láabu goniʼbu: «Pal nadxiʼto saʼto guirá buñ simbu que lóoto nacto buñ ni racanal naʼ» (Juan 13:34, 35). Jesús gonab layibu par diti tzoʼyibu ló galrrasaʼ por cós ni mápa mer tzagac né láabu, né ór cú gonabbu lóo Dios par gacné layibu. Ralox ronyibu guirá ndeʼ roʼolyibu cántico par gonyxiroʼyibu Dios né después rareʼyibu rieeyibu lagary sacróyen ni laa Getsemaní.

Lagarycu Jesús raxalbu xcalnabanybu órni ranabbu xcalrracné Jehová. Per tisintiempsi, radxin soldad, buñ ni sitné espad né yac né láaca sacerdotes par guinásyibu Jesús. Judas raslooy chú ngú Jesús órni raduidybu toib bixit a Jesús. Ór cú soldad ranásyibu Cristo, né guirá xpiimbu raxony.

Jesús goniʼ nisló jueces xtuny judíos que láabu nacbu Xiin Dios. Jueces reʼ goniʼyibu que Jesús diti cayony xinésni, nacni toib galkié rodann né raquiin gaitybu. Ór cú goynéyibu Jesús nisló Poncio Pilato ni rony mandary gudx Roma, buñguieeu reʼ biduidybu cuent que Jesús diti nap dool, per ná scú bunycuentbu Jesús a guirá buñ ni ná guigaity láabu.

Tipnés buñ binéyibu Cristo a toib lagary ni laa Gólgota, né lagarycu soldad de gudx Roma bigalxigaʼyibu Jesús ló yac nadop. Tisintiempsi góc nacay. Godzu cú órni Jesús goity góc toib xo rodann. Bicachyibu Jesús lainy toib baʼ ni godaʼnyibu ló guiee. Stoib dzúcu sacerdotes bisiegdxiichyibu baʼ né bixelyibu buñ par gan láani. ¿Ñaʼan Jesús lainy baʼ por tipzó la? Yaca, portín mápa mer gac toib galrradziguiaʼ ni diti ma bibiʼ buñ.

(Bireʼni ló Mateo capítulos 26 né 27, Marcos capítulos 14 né 15, Lucas capítulos 22 né 23 Juan capítulos 12 a 19.)

^ Párrafo. 15 Pal nainy looy ganlo más balaati rasac ni Jesús goity por lóono goyee ló capítulo 5 de libro ni laa, ¿Xí ni merpa rasuidy la Biblia?

PAR GANNLO MÁS

Xcalgoity Jesús, xcalrrascad Dios ni más rasac

¿Ximod bilaa Dios buñgudxlio? ¿Ximod racnéni looy?