Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

La Biblia ¿de xí raniʼni?

 MIDID 4

Dios rony toib acuerdo né Abrahán

Dios rony toib acuerdo né Abrahán

Abrahán bisobdiitzbu Dios. Por fe ni gopbu, Jehová góoch láabu que sacaʼbu galnasác né sapbu toib family xiroʼ

MA GODUDY tzongayoʼ cincuent íz de goló góc Guiérodann. Abrahán rabés gudx ni laa Ur, nigoreʼ riaʼanni niis ronoʼ gudx Irak. Láabu nacbu toib buñ ni nap fe lóo Dios per nigoreʼ fe ni napbu rioʼni ló prueby. Guibiʼno xí góc.

Jehová gonab láabu guisiambu ro rabésbu né tzeebu stoib gudx ni laa Canaán. Láabu órcuca gosaguelbu. Abrahán, Sara, Lot né guiráca xomósbu gonásyibu néz seeyibu. Bidxinyibu gudx Canaán xomod bioʼos né bibanyibu lainy yoʼ lairy. Ór cú Jehová buny toib acuerdo né Abrahán: biduidybu xtiitzbu que guirá buñgudxlio sacaʼ galnasác por láabu, que xfamilbu sac toib gudxrop né xalioo Canaán sácni xtunyibu.

Abrahán né Lot gopyibu xidalguixo xiil né yós. Abrahán góc buñtzayxat né biduidybu lagary Lot nabú layoo ni más ñoladx ro ninébu xinimalbu. Lot golú yoo tzaay ni noʼ roloo guʼuc Jordán, né golésbu gahxca gudx Sodoma. Buñ ni bibany Sodoma gocyibu buñyox, bunyibu xiroʼ cós mal né bisiobyibu xcalnabany Jehová.

Después ni Abrahán birestzobu cueʼ Lot, Jehová góoch láabu que xfamilbu sadxin sac xidalguixo xomod vitzón ni noʼ lainy guibá. Abrahán gop xiroʼ fe lóo Jehová per tzeelbu Sara diti labúu rioʼ xiin. Órni Abrahán ma nap 99 íz né Sara yaaca 90 íz, Dios goniʼ que sioʼ toib xiinyibu. Né scú gocni: goyoʼ toib xiin Sara ni góc laa Isaac. Ná Abrahán gop stipnés xiin, per ni Nalaa buñgudxlio ni bisetlaa Jehová en Edén bieedbu de xfamily Isaac.

Laʼga guirá ndeʼ cayac, Lot né xfamily rabésyibu lainy gudx Sodoma. Per láabu diti bunybu galyoxh xomod guirá buñ de gudxcú, portín gócbu toib buñtzayxat. Por ngú órni Jehová goniʼ guinitló gudx Sodoma, bixelbu ángeles par gaibyibu Lot guireʼ né xfamily ni maca né diti nadxiguetyibu lóoyibu. Ór cú Dios bisiab guii né azufre né binitlóbu buñ mal ni rabés Sodoma né stoib gudx ni noʼ gahxca ni laa Gomorra. Lot né guiropca xiindzap bilaa per tzeelbu bidxiguet lóo, sigory portín binladxbu cós ni bisiambu lainy gudxcú. Tzeʼel Lot goity por xcalnayaʼ.

(Bireʼni ló Génesis 11:10-19:38.)