Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

La Biblia ¿de xí raniʼni?

La Biblia, ¿de xí raniʼni?: Ló tidxósi diitz

La Biblia, ¿de xí raniʼni?: Ló tidxósi diitz
  1. Jehová bisaʼbu Adán né Eva par guibanyibu tipzó ló Gudxlio móz. Buñdzab raniʼbu mal de laa Jehová né que Jehová diti labúu rony mandary. Adán né Eva racyibu toibsi né Buñdzab par guicalóyibu Jehová, né modreʼ buñgudxlio radxin rac buñ galkié né raity

  2. Dios raniʼ xí láani gac né buñ ni diti rasobdiitz, né láaca raduidybu xtiitzbu que sieed toib ni guinitló a Buñdzab né ndeʼ láaca sony reglar guirá ni bisian né bitné galkié

  3. Jehová raduidy xtiitz que de xfamily Abrahán né David guireʼ Mesías ni gony mandary por tipzó

  4. Jehová raquiimbu profetas par guiniʼ que Mesías nac ni guinitló galkié né galgoity, né Mesías reʼ sacbu Rey de Gobierno xtuny Dios. Láaca sioʼ stipnés buñ ni gony mandary né láabu, né guinitlóyibu guerr, galguitz né galgoity

  5. Jehová raxelbu Xiimbu ló Gudxlio né raslooybu que Jesús nac Mesías. Jesús rasuidy de Gobierno xtuny Dios né raitybu por buñgudxlio. Jehová ralís láabu lad gueʼet xomod toib espíritu

  6. Jehová biloyñabu Jesús par gac Rey lainy guibá, né rasaló dzú ni ma guidubylagaʼ gudxliogoxreʼ. Jesús rabiʼ dxiin ni cayac ximod rasuidy buñ de Gobierno xtuny Dios ló guidopynac Gudxlio

  7. Jehová raxelbu Xiimbu par saló gony mandary ló Gudxlio né Gobierno reʼ ranitlóni xcalmandary buñgudxlio né ronyni que buñ ni rasob ni ná Jehová diti gap galkié. Ma diti sioʼ ni toib buñ ni guiniʼ que Jehová diti labúu rony mandary. Laa Dios sac nigolú nayaa por tipzó