Templo ni bibiʼ Ezequiel ló toib visión gocnéni buñ judíos ni goyoʼ xcudx buñ portín gonyibu que labúu sony adoraryibu Dios stoib. Ló dzú ni ma guidubylagaʼ adoración ni nayaa «sasagaʼni dxichguiee laidy guirá dainy ni noʼ», né lóono rioʼno ronoʼni toibsi né buñ de guirá gudxrop (Isa 2:2). ¿Naplo costumbre de gonylo pensary ló privilegio ni naplo ni rimbulo Jehová né ni rony adorarlo láabu la?

¿XÍ GALNASÁC RACAʼNO POR NI NOʼNO LÓ ADORACIÓN NI NAYAA?

  • Ma más rienno ximod rarexa Xtiitz Dios, por ngú ma nanno ximod rarexa galrranabdiitz ni más rony buñ, rasuidyno ximod guibanyno sacró né napno esperanza (Isa 48:17, 18; 65:13; Ro 15:4).

  • Napno xhermanno ló guidopynac Gudxlio (Sl 133:1; Jn 13:35).

  • Labúu ronyno xchiin Dios né dxiin reʼ ragoʼ nakitni lóono né nanno que diti sácni stoib (Hch 20:35; 1Co 3:9).

  • «Paz xtuny Dios», raduidyni galnadip lóono órni racalóno galnagan (Flp 4:6, 7).

  • Toib galrrien nayaa (2Ti 1:3).

  • Radzaktzayno Jehová (Sl 25:14).

¿Ximod labúu guislooya que rasac par naʼ adoración ni nayaa?