Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni non gonyno ló reunión  |  Septiembre de 2016

 MOD NON GUIBANYNO

Órni racacuent toib mbiox lóono roʼ puert

Órni racacuent toib mbiox lóono roʼ puert

Órni soʼno yoʼ por yoʼ né rareʼ toib mbiox par guicacuent lóono, non guinabdiitzno láabu pal noʼ bixiosbu o xinaʼbu, portín modreʼ raslooyno respet xcalmandary bixiosbu (Pr 6:20). Pal mbiox cú raruʼ lóono tzoʼno lanioʼ, diti non gonyno láani. Pal diti noʼ nalat bixiosbu o xinaʼbu, guibiguetno stoib ór.

Ná pal ma toib mbioxhlasien láabu, más galán guinabdiitzno por bixiosbu o xinaʼbu. Pal diti noʼ nalat bixiosbu, guinabdiitzno láabu pal bixiosbu raduidy lagary goʼolbu tipnés guiich ni sanéno. Pal scú láani, labúu guisianéno toibtica guiich ni napno o guixelno láabu ló jw.org.

Órni tzáguenno toib mbioxhlasien ni naara guisuidy más, gaibyno láabu que raniiny guimbuno bixiosbu o xinaʼbu. Modreʼ, labúu gaibyno bixiosbu xigony rioʼno lidxbu né cuéxano ximod la Biblia sitné galán litz par family (Sl 119:86, 138). Pal rapno respet bixios mbiox, ngú sony que guiniʼyibu galán de xcudx Jehová né dada labúu sasuidyno layibu stoib ór (1Pe 2:12).