Rabiguet

Goyee ro ná índice xtuny contenidos

 MOD NON GUIBANYNO

Pal natzaay xcalrrienlo né naplo respet tzeʼelo sascochlo xcalnabanybu

Pal natzaay xcalrrienlo né naplo respet tzeʼelo sascochlo xcalnabanybu

Órni toib buñgonaʼ rasaló rasuidy la Biblia né ratzaʼ mod nac, sigory ngú rachiin tzeelbu guisuidy la Biblia, después de xidal íz ni hermana reʼ ma cualó xiroʼ galnagan (1Pe 2:21-23; 3:1, 2). Pal looy cadudylo ló galnagan ná diti naplo dool, buny cós tzaay né modreʼ sonylo gan cós mal (Ro 12:21). Sigory tzeʼelo diti sacadiag looy, per sigory satzaʼbu mod nacbu pal rabiʼbu que natzaay xcalrrienlo.

Buny por tzoʼlo xalagary tzeʼelo (Flp 2:3, 4). Gosac ni rasacbu né binladx láabu, góoch láabu ni nainy gonylo. Buny por guicadiaglo láabu (Snt 1:19). Gop paseins tzeʼelo né gondxiʼdot láabu. Ná pal ronylo guirá ndeʼ né láabu diti ragoʼbu cuent looy, labúu tzoʼlo goxt portín par Jehová nigolú rasac guirá ni cayonylo (1Pe 2:19, 20).

ÓRNI MA BIBIʼLO VIDEO NI LAA JEHOVÁ SADUDY GALNADIP LÓONO PAR GOOYNO XQUIXNO, CUAPY GUIRÁ GALRRANABDIITZ NI SIEED REʼ:

  • ¿Ximod bibany Grace Li órni laʼra bunybu galtzeʼel?

  • ¿Xigony gosaló bisuidybu la Biblia?

  • ¿Xí gocné hermana Li ñony guantary galnagan ni cualóbu después ni goyonisbu?

  • ¿Xí láani gonab hermana Li ñony Jehová por tzeelbu?

  • ¿Xí galnasác ma cuaʼ hermana Li por ni nacbu toib buñgonaʼ ni natzaay xcalrrien né nap respet?

Pal natzaay xcalrrienlo né naplo respet tzeʼelo ngú ni más rasac