Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni non gonyno ló reunión  |  Octubre de 2017

 MOD NON GUIBANYNO

Ximod labúu gaclo toib buñ ni rasuidytzay la Biblia

Ximod labúu gaclo toib buñ ni rasuidytzay la Biblia

¿Nainy looy dipa guisianlo Jehová órni cacalólo galnagan xomod Daniel la? Daniel gócbu toib buñ ni bisuidytzay Xtiitz Dios, né dada biembu profecías ni más nagan (Da 9:2). Pal rasuidylo nanoy ni ná la Biblia, ¿ximod labúu gacnéni looy par diti guisianlo Jehová? Láani labúu gacnéni looy gac nadip confianz ni naplo ló guirá cós sacró ni Jehová ma goniʼ gony (Jos 23:14). Láaca sonladxlo más Dios, né láani sachiinni looy gonylo xinésni (Sl 97:10). Per ¿ximod guisuidylo? Buny mod ná reʼ.

  • ¿Xí raquiin guisudi? Guirá xomal raquiin guisuidylo guiich ni rinélo reunión. Pal rabeʼlo tiemp par ganlo ximod rarexa textos ni rolno ló reunión guirá xomal, láani nigolú sacné looy. Láaca noʼ ni nanoydiguieʼ rasuidy ximod rarexa profecías ni sieed ló la Biblia, ximod rarexa tigaaga fruto xtuny espíritu né noʼ ni rioladx guisuidy pu guirá gosaa apóstol Pablo o ximod nac guirá ni bisaʼ Jehová. Pal ro cayonylo alga ritzanló ló xpensarylo toib galrranabdiitz ni rarexa ló la Biblia, bicaʼ láani ló toib guiich par labúu guiyopylo né guisuidytzaylo láani después.

  • ¿Pu labúu guidzela ni nainyna guisudi? Ló video ni laa, Ni gacné lóono guidzelno cós ni rasac ni sieed ló la Biblia, rarexa pu lagary guidzelno ni cayopyno. Par guisuidylo más, biyopy xi potencia rony representar tigaaga nimal ni sieed ló capítulo 7 xtuny Daniel.

  • ¿Balac ór raquiin guisudi? Par guidzaktzaylo Dios raquiin guisuidylo xtiitzbu guirá ór. Pal labúuni looy gosaló bisuidy chop tzón minutsi, conforma tudy dzú labúu guisuidylo más xiroʼ ór. Órni buñ rasuidy Xtiitz Dios nacni xomod órni buñ ragaʼny par guidzel cós ni rasac: laʼga cadzelo cós ni rasac, más guet saniiny looy caʼnylo (Pr 2:3-6). Más sioladxlo guisuidylo Xtiitz Dios, né siaʼlo sasuidylo la Biblia (1Pe 2:2).

¿XÍ RONY REPRESENTAR GUIRÁ NIMAL NI RITLAA LÓ CAPÍTULO 7 DE DANIEL?

  • Da 7:4

  • Da 7:5

  • Da 7:6

  • Da 7:7

STOIB GALRRANABDIITZ:

¿Ximod góc cumplir Daniel 7:8, 24?

NI LABÚU GUISUIDYLO STOIB ÓR:

¿Xí rony representar guirá nimal ni ritlaa ló capítulo 13 de Revelación?