Rabiguet

Goyee ro ná índice xtuny contenidos

 MOD NON GUIBANYNO

«Ni Dios ma bilip ló toibsi yac yoog...»

«Ni Dios ma bilip ló toibsi yac yoog...»

Ley ni cuaʼ Moisés buny lafuersni buñguieeu ni ná nachíl xcaltzeel nír nasaʼbu toib guiich. Modreʼ diti ñac naguel nachiilyibu xcaltzeelyibu. Per ló xtzú Jesús buñ ni gosanir ló religión ma diti góc nanoyibu por ngú ma naguel bibíl galtzeʼel. Buñguieeu labúu bichíl xcaltzeel por nitisi cós (nwtsty notas ni gacné lóono guisuidyno Mr 10:4: «certificado de despedida»; nwtsty notas ni gacné lóono guisuidyno Mr 10:11: «se divorcie de su esposa» né «comete adulterio contra ella»). Jesús goleʼ loguiaʼ que Jehová ngú ni bisaʼ galtzeʼel (Mr 10:2-12). Órni buñ rony galtzeʼel radxin racyibu «toibsi beʼel», ndeʼ raduidy diitz que dipa guisian saʼyibu. Xomod sieed ló Mateo, la Biblia ná que nosi labúu guibíl galtzeʼel pal toibtica de layibu rony galyoxh (Mt 19:9).

Ló naareʼ xidal buñ ni diti rony ni ná Dios rabiʼ galtzeʼel xomod bibiʼ fariseos láani, diti xomod bibiʼ Jesús láani. Órni rioʼ galnagan nimaca rachílyibu xcaltzeelyibu. Per cristianos ni ma buny galtzeʼel rony cumpliryibu xtiitzyibu ni goniʼyibu dzú bunyibu galtzeʼel. Né rayopyibu mod guicalóyibu galnagan né xcalrracné la Biblia. Órni ma bibiʼlo video ni laa, Galnadxiʼ né respet ronyni que family guiguaʼ sacró, cuapy galrranabdiitz ni sieed reʼ:

  • ¿Ximod guisoblo lainy xcaltzeelo ni sieed ló Proverbios 15:1, né xigony rasac gonylo láani?

  • ¿Ximod labúu gacné Proverbios 19:11 par diti tzoʼ galnagan lainy xcaltzeelo?

  • Pal xcaltzeelo mápa mer guibílni, ¿xí galrranabdiitz gonylo, xalagary gonylo pensary guichílo xcaltzeelo?

  • ¿Ximod labúu gacné Mateo 7:12 gandxiʼlo né gaplo respet tzeʼelo?