XIGONY RASACNI: Pal buñ ni rasuidyno, roʼol né rony subrayar xquiich diti sasac naganbu guiembu né guisetnaladxbu ni casuidyno láabu. Ngú sacné láabu niʼsbu más naguel lainy xcudx Jehová. Órni ma goyonisbu, láaca non guisuidybu xquiichbu ni tzanébu reunión né órni saabu yoʼ por yoʼ, modcu sioʼbu naní (Mt 25:13). Por ngú, pal riaʼbu roʼolbu né rony subrayarbu xquiichbu ngú sacné láabu laʼga nabanybu. Órni rasalóno rasuidyno láabu, órcuca non gacnéno láabu guiaʼbu goʼolbu né gony subrayarbu xquiichbu galán.

XIMOD GONYNO LÁANI:

  • Nír looy gonylo láani (Ro 2:21). Bíil né buny subrayar xquiichlo né buny pensary ximod gacnéni buñ ni guisuidylo (km 11/15 pág. 3). Bilooy láabu xquiichlo ni ma buny subrayarlo.

  • Góoch láabu goʼolbu né gony subrayarbu xquiichbu. Órni ma xidal buelt casuidyto, góoch láabu que raquiin gonybu ngú portín ndeʼ nacni toibtica mod par guisuidybu, né góoch láabu que pal ronybu ndeʼ sacnéni láabu. Góoch láabu xi raquiin gonybu par gapbu tiemp guisuidybu xquiichbu. Tipnés herman rasnabyibu libro ni ma buny subrayaryibu, modreʼ buñ ni casuidybu guibiʼ ximod racni. Órni ma bíilbu né ma buny subrayarbu xquiichbu góoch láabu que galán bunybu láani.

  • Bisuidy láabu goʼolbu né gony subrayarbu xquiichbu. Tipnés herman rabeʼyibu tiemp chop tzón buelt par guisuidyibu buñ gony subrayar xquiich.