Rabiguet

Goyee ro ná índice xtuny contenidos

 MOD NON GUIBANYNO

Gop cuidad órni guiquiinlo redes sociales

Gop cuidad órni guiquiinlo redes sociales

XIGONY RASACNI. Xomod xidal cós, redes sociales labúu gacnéni buñ o coʼni buñ ló desgrasy. Tipnés cristianos diti raquiinyibu láani, né stipnés raquiin láani par guininé xfamily né ximig. Per Buñdzab raniiny guiquiinno mal redes sociales, né modcu gony buidyno laano né galsitno de Jehová. Per né xcalrracné xilitz la Biblia labúu guiduidyno cuent xi riesga noʼ né xi gonyno par diti tzaguiabno loni, né modcu guisuʼno Jesús (Lu 4:4, 8, 12).

XÍ RIESGA NOʼ

  • Tudylo xiroʼ ór loni. Pal radudylo xiroʼ ór ló redes sociales né rabiʼlo guirá ni noʼ ló Internet, labúu gonyni que ma diti saplo tiemp par cós ni más rasac xomod gonylo xchiin Jehová.

    Xilitz la Biblia: (Ef 5:15, 16; Flp 1:10)

  • Guibiʼlo cós mal. Pal rabiʼlo retrat ni rascuany cós yox ló xpensarylo labúu gonyni que guibiʼlo pornografía o guiablo ló galyoxh. Pal roʼol lo ló Internet cós ni racaʼ buñ ni ma golsit de xcudx Dios sonyni que guisnitlo fe ni naplo.

    Xilitz la Biblia: (Mt 5:28; Flp 4:8)

  • Guilapylo retrat o guicaʼlo cós ni diti galán nac. Xcalnabanyno rascúni lóono, labúu gonyni que labúu guilapylo retrat o guicaʼlo ló redes sociales cós ni diti galán nac. Pal ronylo ngú labúu gony buidylo laa stipnés né guisnityibu fe ni napyibu.

    Xilitz la Biblia: (Ro 14:13; Ef 4:29)

ÓRNI MA BIBIʼLO VIDEO NI LAA, GOLOʼ XCALRRIENLO ÓRNI GUIQUIINLO REDES SOCIALES, BIBIʼ XI LABÚU GONYLO PAR DITI TZAGUIABLO LÓ RIESGA NI SIEED REʼ: