Josué né Salomón goniʼyibu que guiráxadit ni goniʼ Jehová birebuʼni (Jos 23:14; 1Re 8:56). Ni goniʼyibu ronyni que gapno más confianz né rony nadipni fe ni napno (2Co 13:1; Tit 1:2).

Par guiduidylo cuent ximod buny cumplir Jehová guirá ni goniʼbu ló xtzú Josué, bibiʼ né xfamilylo película ni raniʼ ni góc ló dzú ni see, Ni una sola palabra ha fallado. Órni ma bilox bibiʼto láani colguicapy galrranabdiitz reʼ: 1) ¿Ximod labúu guisuʼno fe ni gop Rahab? (Heb 11:31; Snt 2:24-26). 2) ¿Xigony buñ ni nompa diti rasob xomod Acán sarecaa mal? 3) ¿Xigony buñ gabaonitas ná nanyibu radíilyibu biscúyibu Josué né biyopyibu mod par diti nacalóyibu gudx Israel? 4) ¿Ximod birebuʼ xtiitz Jehová órni gáay reyes amorreos goyeeyibu cualóyibu gudx Israel? (Jos 10:5-14). 5) ¿Ximod ma gocné Jehová looy por ni cagoʼlo Gobierno xtunybu primer lagary? (Mt 6:33).

Órni ronyno pensary ló guirá ni Jehová ma buny, ni cayonybu né ni gonyrabu, más rapno confianz que sarebuʼ guirá ni ma goniʼbu gonybu (Ro 8:31, 32).

¿Fe xtunylo nadipni xomod fe ni gop Josué la?