Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni non gonyno ló reunión  |  Juny de 2017

 MOD NON GUIBANYNO

Guibanyno nayaa xomod ranab Jehová lóono

Guibanyno nayaa xomod ranab Jehová lóono

Jehová Dios láabu ngú ni raniʼ ximod guibany buñ. Guibiʼno ximod, láabu ma goniʼbu que nosi buñguieeu non gotzña né buñgonaʼ né non cuesnéyibu saʼyibu por tipzó (Mt 19:4-6, 9). Jehová rianladxbu guirá galyoxh ni rac (1Co 6:9, 10). Láaca ló la Biblia ralitzbu lóono xí clas lairy guacno né ximod gactzayno par diti guienno xomod buñ ni diti rasob láabu (Dt 22:5; 1Ti 2:9, 10).

Ló naareʼ, xidal buñ diti rasobyibu Jehová (Ro 1:18-32). Rasuʼyibu mod ractzay buñ, mod nac lairy ni roc guirá buñ né mod rony guirá buñ. Riatzyibu por guirá cós yox ni ronyibu né raniʼyibu mal de stipnés ni diti nac xomod layibu (1Pe 4:3, 4).

Testigos xtuny Jehová non guianladxno guirá cós yox ni rony gudxliogoxreʼ (Ro 12:9). ¿Ximod gonyno láani? Gapno respet buñ né guiyopyno mod gaibyno layibu xí cós rioladx Dios, né láaca guibanyno xomod ranab Dios lóono. Guibiʼno ximod, órni guiyopyno lairy ni guacno, raquiin guinabdiitzno ndeʼ: «¿Cayoni ni ná Jehová o cayoni ni ná gudxliogoxreʼ la? Mod nac lairy ni roca né mod ractzaya, ¿raduidyni diitz que rienna Dios la?». Né órni guibiʼno televisión non guinabdiitzno ndeʼ: «¿Sioladx Jehová ni guibiʼya la? ¿Raniʼni de cós tzaay la? Guirá galnakit reʼ, ¿sacnéni naʼ la?» (Sl 101:3). ¿Sonyni que guirel ñeʼ xfamila o stipnés buñ pal rabiʼyibu ni rabiʼya la? (1Co 10:31-33).

¿Xigony nigolú rasac guibanyno nayaa xomod ranab Jehová lóono? Portín Jesucristo mápa mer guinitló gudxliogoxreʼ né guirá cós mal ni rac loni, né nosi salaabu buñ ni rasob ni ná Dios (Eze 9:4-7; 1Jn 2:15-17). Por ngú nigolú rasac guibanyno nayaa nislóbu, mod cú buñ ni guibiʼ lóono sonyxiroʼyibu Dios (1Pe 2:11, 12).

¿Mod nac lairy ni roca né mod ractzaya raduidyni diitz que rienna Dios la?

ÓRNI MA BILOX BIBIʼTO VIDEO NI LAA, HAZTE AMIGO DE JEHOVÁ: UN HOMBRE Y UNA MUJER, COLGUICAPY GALRRANABDIITZ NI SIEED REʼ:

  • ¿Xigony raquiin guibanyno nayaa mod ranab Jehová lóono?

  • ¿Xigony rasac guisuidy buñ xiin ni ranab Jehová ná niyeʼensayibu?

  • Mbioxhlas né buñgol, ¿ximod labúu gacnéyibu buñ guicaʼ galnasác ni Dios guiduidy lóono ló dzú ni sietra?