Rabiguet

Goyee ro ná índice xtuny contenidos

 MOD NON GUIBANYNO

Goyoʼ nakit órni guiniʼlo xtiitz Dios

Goyoʼ nakit órni guiniʼlo xtiitz Dios

¿Rasac naganlo guiniʼlo xtiitz Dios la? Pal scú láani, diti nosi looy rasaclo scá. Sigory rasacno láani portín guirási ór buñ diti ná guicadiag lóono, dada nagüetyibu o rioʼ ór riatzladxno guininéno buñ ni diti rimbuno. Guirá ngú rabeʼgan lóono, per lóono rienno Jehová né láabu nacbu toib Dios ni rabaladx, né raniiny láabu tzoʼno goxt órni gonyno xchiimbu (Sl 100:2; 1Ti 1:11). Por ngú, ¿xí tzón razón napno par tzoʼ nakitno órni guinino xtiitz Dios?

Primer, lóono raibyno buñ xí galnasác guicaʼno ló dzú ni sietra. Ná ló naareʼ nac nacsi nabany buñ, pal rasuidyno layibu diitz sacró sagoʼ nakitno xcalnabanyibu (Isa 52:7). Láaca rioʼ nakit xcalnabanyno órni ranino galnasác ni guitné Gobierno xtuny Dios. Antes de tzoʼno yoʼ por yoʼ gonyno pensary ló galnasác ni guitné Gobierno reʼ ló Gudxlio.

Ni rarop, órni rasuidyno buñ ni ná Dios racnéno layibu ló galnabany xtunyibu né láaca rabigaxyibu Dios, portín rasianyibu cós mal ni cayonyibu né láaca labúu guibanyibu tipzó (Isa 48:17, 18; Ro 1:16). Gonyno pensary que nacno buñ ni racné órni rac toib desgrasy, ná noʼ buñ ni diti ná guicaʼ galrracné, diti por ngúsi ma diti sayopyno buñ ni ná guilaa (Mt 10:11-14).

Ni rion, órni rasuidyno buñ ronyxiroʼno Jehová né ngú ni más rasac. Par láabu nigolú rasac dxiin ni ronyno (Isa 43:10; Heb 6:10). Né dada raduidybu espíritu santo lóono par labúu gonyno dxiinreʼ. Por ngú, guinabno espíritu santo par tzoʼno goxt ló xchiimbu (Gál 5:22). Jehová noʼ né lóono né láabu sacnébu lóono par diti guidzuibyno né guinino xtiitzbu né balory (Hch 4:31). Por ngú, ná pal racadiag buñ lóono o yaca, diti guireʼganno portín cayonyno dxiin ni ma biduidy Jehová lóono (Eze 3:3).

¿Ximod guislooylo que nainy looy guiniʼlo xtiitz Dios? ¿Ximod guislooylo que noʼlo nakit?

ÓRNI MA BIBIʼLO VIDEO NI LAA, ¿XÍ BUNI PAR ÑONI XCHIIN JEHOVÁ GOXTIGUIE?, CUAPY GALRRANABDIITZ NI SIEED REʼ:

  • ¿Xigony nigolú rasac guisuidyno la Biblia ná ranino xtiitz Dios guirá dzú?

  • ¿Ximod labúu gonyno ni buny María?

  • ¿Pu ór ronylo pensary ló Xtiitz Dios?

  • ¿Xí láani ngú ni más rioladxlo órni raniʼlo xtiitz Dios?