Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni non gonyno ló reunión  |  Juny de 2016

 CÓS NI RASAC NI SIEED LÓ LA BIBLIA | SALMOS 34-37

Gop confianz lóo Jehová né buny cós tzaay

Gop confianz lóo Jehová né buny cós tzaay

«Diti [...] guisobladxlo ni rony buñ mal»

37:1, 2

  • Diti guireʼganlo pal rabiʼlo que ralooypa rieeni galán a buñ mal, xalagary ngú goloʼ guiclo gonylo xchiin Jehová. Goyodieʼ ló metas ni naplo né ló galnasác ni guicaʼlo.

«Gop confianz lóo Jehová né buny cós tzaay»

37:3

  • Gop confianz que Jehová san looy órni diti nanlo xí gonylo o órni noʼlo ló galnagan. Láabu sacnébu looy par diti guisianlo láabu.

  • Goyodieʼ goniʼ diitz sacró de Gobierno xtuny Dios.

«Goyoʼ goxtiguie nisló Jehová»

37:4

  • Goleʼ tiemp par goʼol lo Xtiitz Dios né buny pensary ló ni cayoʼol lo par guimbulo más a Jehová.

«Bisian ladxña Jehová xinéslo»

37:5, 6

  • Gop confianz que Jehová sacnébu looy guicalólo nitisi galnagan.

  • Goloʼ xcalrrienlo pal noʼ ni caniʼ mal de looy, pal noʼ ni cayony mal looy o pal noʼ ni rianladx looy.

«Dzudiguié goyoʼ nisló Jehová né golés láabu né paseinys»

37:7-9

  • Diti ni maca guidzuitzlo portín ngú sony que ma diti sioʼlo goxt né sonyni que galsitlo de Jehová.

«Buñ nadaʼa sabany ló gudxlio»

37:10, 11

  • Buny por gaclo toib buñdzuu, buñ nadaʼa né pal noʼ cós ni diti cayac xinésni gop confianz que Jehová salaabu looy.

  • Gocné xhermanlo né bisuidy stipnés buñ xí galnasác mápa guicaʼno ló Gudxlio móz modreʼ sasialdólo xcalnabany buñ ni noʼ nabann.

Gobierno xtuny Dios sitné xiroʼ galnasác