Rabiguet

Instrucciones par reunión Mod nabanyno né mod ronyno Xchiin Dios

Instrucciones par reunión Mod nabanyno né mod ronyno Xchiin Dios

Ni sieed ló reʼ

 

Párrafos

Chop tzón diitz par saló

 2

Cós ni rasac ni sieed ló la Biblia

 3

Gacno toib galán mextra

 4

Mod non guibanyno

 5

Chop tzón diitz par guilox

 6

Gacno toib galán mextra né goʼoltzayno

 7

Consej

 8

Tiemp

 9

Visit xtuny superintendente de circuito

 10

Xomal de samblia

 11

Xomal ni gac Memorial

 12

Superintendente xtuny reunión Mod nabanyno né mod ronyno Xchiin Dios

 13

Presidente xtuny reunión Mod nabanyno né mod ronyno Xchiin Dios

 14

Coordinador xtuny cuerpo de ancianos

 15

Ni radudy consej

 16

Stipnés salas

 17

Videos

 18

1. Ló reunión Mod nabanyno né mod ronyno Xchiin Dios gacni xomod ná Ni non gonyno ló reunión Mod nabanyno né mod ronyno Xchiin Dios né xomod ná tipnés instrucciones reʼ. Non guiruʼno a guiráxadit publicadores par guitudyibu discurs. Buñ ni diti rony falt ló reunión láaca labúu tudyibu pal racacuentyibu ni rasuidy la Biblia né nabanyibu xomod ná la Biblia (be-S pág. 282).

 2. Chop tzón diitz par saló (3 mins. o menos). Reunión salóni né toib canción né guinabno lóo Jehová. Después presidente saniʼbu xi láani tudy ló reunión ni ma yaaca saló né guisetlabu galrranabdiitz ni sieed ló Guiich ni racapy ni radudy ló reunión Mod ronyno Xchiin Dios.

 3. Cós ni rasac ni sieed ló la Biblia

  • Discurs (10 mins.). Ló guiich Ni non gonyno ló reunión sitnéni tema né chop o tzón puntos ni más rareʼ loguiaʼ. Discurs reʼ guitudy toib anciano o siervo ministerial ni nantzay rasuidy. Órni saló golno toib libro xtuny la Biblia, sabiʼno toib video. Herman ni guitudy discurs reʼ labúu guisetlabu ximod nga radzak video reʼ né temacu. Láaca non guicaabu cuidad guisetlabu ni ná xquiichno Ni non gonyno ló reunión. Láaca pal napbu tiemp, non guiquimbu retrat, dibuj né texto ni napni, portín radzakni né información ni guisuidyno.

  • Guiyopyno cós ni rasac ni sieed de Dios (8 mins.). Asignación reʼ gacni por galrranabdiitz né galrracapy né diti guiquiinlo introducción ni conclusión. Toib anciano o  siervo ministerial ni nantzay rasuidy guitudy láani. Herman reʼ non gonybu guirá galrranabdiitz ni sieed, ganbu balaati minut guiquimbu ló tigaaga galrranabdiitz ni napni né mod radzakni né herman. Láaca láabu non ganbu pal goʼolbu guirá textos ni sieed ló chop galrranabdiitzcu. Herman ni ná gony comentary gonybu láani galaʼ minut.

  • Textos de la Biblia ni golno (4 mins. o menos). Asignación reʼ toib hermano non guitudy láani, né diti cuéxabu ni toib diitz órni salóbu né órni guilox goʼolbu. Presidente de reunión reʼ gacnébu guirá herman ni goʼol par guieen ni cayoʼolyibu, ganyibu goʼolyibu modpa sieed ló guiich, goʼolyibu láani nayadit, goʼolyibu xomod rooy buñ diitz, guiquiinyibu xirudxyibu galán. Raquiin goʼolyibu tzagaa diti goʼolyibu naguel né láaca raquiin guiniʼyibu fuers par láabu guieen buñ láani.

  4. Gacno toib galán mextra (15 mins. o menos). Seccion reʼ sacné lóono par guisuidytzayno buñ yoʼ por yoʼ. Asignación ni laa primer buelt ni gooyno diitz, ni rarop buelt né ni rion buelt ni guibiguetno guireʼni ló «Mod labúu guininéno buñ», ni sieed ló guiich Ni non gonyno ló reunión, ló página 1. Herman gan pal guidudyibu toib libro o guislooyibu toib video ni sieed ló kit de enseñanza. Rioʼ ór ló guiich Ni non gonyno ló reunión sieed balac tiemp gacla tigaaga asignación né rioʼ ór sitnéni stipnés instrucciones. Diti raquiin que herman guiyopy más información par guisaʼ minut. Tipnés demostraciones pal rac ensayarni galán labúu loxni antes de timinut o más de timinut. Pal raquiinni, ancianos labúu guitudy asignaciones reʼ.

  • Mod guiquiinno videos par guininéno buñ. Primer xomal, ni rarop xomal né ni rion xomal sabiʼno né sasuidyno toib video ni guislooy lóono ximod guininéno buñ. Ló videos reʼ sabiʼno xi gonyno primer buelt ni gooyno diitz, primer buelt ni guibiguetno, né ni rarop buelt ni guibiguetno. Asignación reʼ presidente de reunión non gony láani.

  • Primer buelt ni gooyno diitz. Asignación reʼ guitudy toib hermano o hermana láani. Pal toib hermano guitudy láani, diti tudynébu toib buñgonaʼ, per pal nacyibu family, labúu tudyibu. Labúu cuuyibu o guisagaʼyibu. Ni guitudy asignación reʼ gonybu láani xomod racni lagary ro rabésbu. Órni gonyibu demostración reʼ non gonyibu láani xomod ná «Mod labúu guininéno buñ».

  • Primer buelt ni guibiguetno. Asignación reʼ guitudy toib hermano o hermana láani. Pal toib hermano guitudy láani, diti tudynébu toib buñgonaʼ (km-S 5/97 pág. 2). Ni guitudy láani labúu cuuyibu o guisagaʼyibu. Ni nap asignación reʼ non guislooy xi labúu guinino órni guibiguetno ronoʼ buñ ni bicadiagtzay lóono primer buelt ni biiyno diitz né láabu. Non gonyibu láani xomod ná «Mod labúu guininéno buñ».

  • Ni rarop buelt ni guibiguetno. Asignación reʼ guitudy toib hermano o hermana láani. Pal toib hermano guitudy láani, diti tudynébu toib buñgonaʼ (km-S 5/97 pág. 2). Ni guitudy láani labúu cuuyibu o guisagaʼyibu. Ni nap asignación reʼ non guislooy xi labúu guinino órni guibiguetno ronoʼ buñ ni bicadiagtzay lóono primer buelt ni bibiguetno. Non gonyibu láani xomod ná «Mod labúu guininéno buñ».

  • Rasuidyno buñ. Asignación reʼ guitudy toib hermano o hermana láani. Pal toib hermano guitudy láani, diti tudynébu toib buñgonaʼ (km-S 5/97 pág. 2). Ni guitudy láani labúu cuuyibu o guisagaʼyibu. Herman ni guitudy asignación reʼ diti fuerspa gonybu toib introducción o toib conclusión, labúu gonybu láani pal cayonybu dxiin loni, asignación reʼ nacni toib curso bíblico ni ma gosaló. Diti fuerspa goʼolbu guidopyca información ni sitnéni, ná labúu gonybu láani. Raquiin guislooybu que nacbu toib buen mextra.

  •   Discurs. Asignación reʼ toib hermano non guitudy láani né gonybu láani xomod toib discurs.

  5. Mod non guibanyno. Después ni golno canción, 15 minut ni sieed sitnéni toib o chop asignación ni gacné a herman guibanyibu mod ná Xtiitz Dios. Pal diti scú nacni, asignación reʼ toib anciano o siervo ministerial ni nantzay rasuidy guitudy láani, per asignación ni laa, Ro raquiin gony herman dxiin nosi anciano non guitudy láani.

  • Reunión ro Rasuidyno ni ná la Biblia (30 mins.). Asignación reʼ toib anciano ni nantzay rasuidy guitudy láani. (Pal diti noʼ xidal ancianos lainy tipnés congregaciones láaca labúu guiquiinyibu siervos ministeriales ni nantzay rasuidy). Ancianos ni noʼ lainy congregación non guiniʼ xi ministerial ni nan rasuidy gony láani. Herman ni rabúyibu diti non tudyibu tiemp, guiquintzayibu textos né gacnéyibu herman par guieen ximod racné textos layibu. Sadzelto tipnés instrucciones ni noʼ par herman ni ratudy reunión ro rasuidyno Guiich ni caniʼ. Pal labúuni, cada xomal sadzaʼ herman ni guitudy asignación reʼ né ni gacné goʼol párrafos. Pal presidente ranab que gonybu láani más naguel, hermano reʼ non ganbu ximod gonybu láani. Toib mod ni gonybu láani ngú diti goʼolbu tipnés párrafos.

  6. Chop tzón diitz par guilox (3 mins. o menos). Herman ni nac presidente xtuny reunión Mod nabanyno né mod ronyno Xchiin Dios, gonybu repas tipnés puntos ni bisuidyno né guiniʼbu xi láani tudy stoib xomal. Láaca guisetlabu galrranabdiitz né galrracapy ni sieed ló Guiich ni racapy galrranabdiitz ni radudy ló reunión Mod nabanyno né mod ronyno Xchiin Dios. Labúu guisetlabu galrranabdiitz ni guirexa stoib xomal, modreʼ herman sony pensary loni. Pal noʼ más tiemp, labúu guisetlabu laa herman ni tudy stoib xomal. Pal diti scú láani, presidente labúu guidudy anuncios né goʼol tipnés guiich, presidente non gony láani órni ma guisloʼox reunión. Tipnés información ni raquiin gan herman xomod: ór par guireʼyibu yoʼ por yoʼ né chú guisiá salón, diti non guiniʼyibu láani ló plataforma, anuncios reʼ sacáni ló tablero. Pal diti noʼ tiemp par goʼolbu anuncios o goʼolbu guiich ni raquiin gan herman, presidente sanab guirá herman ni tudy ló reunión «Mod non guibanyno» gonyibu láani más dop (bibiʼ  párrafo 5 né  9). Reunión reʼ guiloxni né canción né guinabno lóo Jehová.

 7. Gacno toib galán mextra né goʼoltzayno. De goló xomal 7 de enero íz 2019, presidente xtuny reunión Mod nabanyno né mod ronyno Xchiin Dios saquiinyibu follet Gacno toib galán mextra par guidudybu consej né gony animarbu herman ni radudy ló reunión. Guirá herman ni tudy, guicáyibu cuidad xi lesiony sieed lainy paréntesis xomod ná Ni non gonyno ló reunión. Primer xomal de guirá beʼo, presidente xtuny reunión Mod nabanyno né mod ronyno Xchiin Dios sasuidybu né herman toib lesiony ni sieed ló follet Gacno toib galán mextra. Lagary ro ná «Ro cayonylo dxiin», nacni nosi par herman ni nap asignación. Presidente diti non guicaʼbu lagary reʼ.

  8. Consej. Guilox tudy tigaaga discurs ni noʼ, presidente napbu midid tip minut par gony felicitarbu herman né guidudybu consej ni sieed ló follet Gacno toib galán mextra. Órni presidente guiniʼ chú láabu tudy, diti guiniʼbu ló xi lesiony cayony herman reʼ dxiin. Órni guilox toib asignación né después ni ma buny felicitarbu herman, labúu guisetlabu ló xi lesiony buny herman reʼ dxiin né cuéxabu xigony galán bunybu láani, o guiniʼbu pu labúu gony herman reʼ dxiin par gonybu láani más galán. Presidente láaca guisetlabu tipnés cós ni gacné a herman reʼ o ni gacné a herman ni dxee ló reunión. Órni guilox reunión o stoib ór, herman ni raquiin galrracné labúu guininé presidente láabu tiplad né gaiby láabu ximod guisobbu ni ná follet Gacno toib galán mextra o mod ná libro Benefíciese. Ná pal nacni ló lesiony ro cayonybu dxiin o ló stoib  aspecto. (Ló  párrafos 13 16 sadzelo más información xi dxiin rony toib superintendente xtuny reunión Mod nabanyno né mod ronyno Xchiin Dios né ni rony herman ni radudy consej).

    9. Tiemp. Guirá asignación (láaca chop tzón diitz ni guiniʼ herman ni nac presidente) diti non tudyni de minut. Pal herman ni nap asignación radudybu minut, sioʼ ni guicaa lóbu. Pal toib hermano radudy minut ló stoib reunión, herman ni radudy consej guininé láabu tiplad. Guidopy reunión reʼ né canciones né ni guinabno lóo Dios non gaclani tib ór né cuarenta y cinco minut.

 10. Visit xtuny superintendente de circuito. Órni congregación gap visit sácni xomod sieed ló programa Ni non gonyno ló reunión. Nosi Reunión ro Rasuidyno ni ná la Biblia diti sasuidyno láani xomalcu. Toib discurs ni guitudy superintendente de circuito sioʼ xalagaryni, né saclani 30 minut. Antes ni tudy discurs reʼ, presidente gonybu toib repas ni ma bisuidyno né guiniʼbu xi láani tudy stoib xomal, guitudybu anuncios né goʼolbu guiich ni raquiin gan herman né después ma labúu guiniʼbu que superintendente de circuito ma coʼ discurs. Después ni guilox discurs reʼ, superintendente de circuito guisloʼox reunión reʼ né canción ni ma golúbu. Diti sioʼ clases auxiliares ló diitz ni raniʼ congregación ló xomal de visit. Grupos ni raniʼ stipnés diitz labúu gapyibu xireuniónyibu órni congregación ro radopyibu nap visit. Per órni superintendente de circuito coʼ discurs de servicio layibu tzeeyibu ronoʼ sala principal par guicadiagyibu discurs reʼ.

 11. Xomal de samblia. Xomal ni rioʼ samblia, diti sioʼ ni toib reunión. Herman non guisuidy ni tudy ló reunión por tigaaga o gonyibu láani né xfamilyibu.

 12. Xomal ni gac Memorial. Pal Memorial riabni lainy xomal, ma diti sapno reunión Mod nabanyno né mod ronyno Xchiin Dios. Per sioʼ reunión par guireʼno yoʼ por yoʼ dzúcu.

  13. Superintendente xtuny reunión Mod nabanyno né mod ronyno Xchiin Dios. Guirá ancianos non guiniʼ chú anciano gac superintendente xtuny reunión Mod nabanyno né mod ronyno Xchiin Dios. Hermano reʼ guicaa cuidad que gacni mod ná guirá instrucciones ni noʼ. Non gooybu diitz né herman ni radudy consej par gonyibu dxiin galán. Órni guidxin guiich Ni non gonyno ló reunión, superintendente xtuny reunión reʼ guiniʼ chú láabu non gap asignación ló beʼocu (colguibiʼ  párrafo 4). Asignaciones reʼ non guireʼni ló guiich né guiquiinlo formulario ni laa, Ni guituidylo ló reunión Mod ronyno Xchiin Dios (S-89) né gonycuentlo asignación reʼ tzón xomal antes.

 14. Presidente xtuny reunión Mod nabanyno né mod ronyno Xchiin Dios. Cada xomal, toib anciano gac presidente ló guidopy reunión Mod nabanyno né mod ronyno Xchiin Dios. (Asignación reʼ toib siervo ministerial ni nantzay labúu gony láani pal lainy congregaciones noʼ goxeʼsi ancianos). Presidente non guisuidybu xquiichbu par guiniʼbu chop tzón diitz par salóni né órni guiloxni guislooybu videos ni guiquiinno yoʼ por yoʼ né videos ni rasetlaa ni sieed ló follet Gacno toib galán mextra. Non tudy guirá asignaciones. Né pal goxeʼsi ancianos noʼ, presidente láaca labúu guitudybu tipnés asignaciones ló reunión reʼ. Órni presidente guiniʼ laa stoib herman ni tudy diti gaclabu. Guirá ancianos guiniʼ chú labúu gac presidente ló reunión. Guirá herman ni ma golúyibu gac presidente sac turnaryibu. Sioʼ ór, lainy toib congregación raquiin que hermano ni nac superintendente seguidca gacbu presidente. Pal toib anciano ratudy Reunión ro Rasuidyno ni ná la Biblia, láaca labúu gacbu presidente. Ranabdo lóoto que gapto cuidad que anciano ni gac presidente labúu guidudybu consej né gacnébu herman ni gap asignaciones.  Herman ni nac presidente non guicaabu cuidad que reunión reʼ guiloxni xorpani (bibiʼ  párrafos 6 né  9). Pal presidente nainy gony láani né noʼ xiroʼ lagary ló plataforma labúu guiquimbu toib micrófono de pedestal né desde cú guiniʼbu chú herman tudy laʼga herman ni tudy caguaʼtzay ló plataforma. Par diti guisnit presidente más tiemp, looca plataforma non guisagaʼ toib mexh né toib xilet par cuu presidente lóo laʼga herman cayoʼol la Biblia né laʼga cadudy asignación ni laa «Gacno toib galán mextra».

 15. Coordinador xtuny cuerpo de ancianos. Coordinador reʼ guiniʼ chú láabu gac presidente xtuny cada reunión né chú layibu guitudy asignaciones, nosi ni diti gonybu ngú asignaciones estudiantiles. Láaca guiniʼbu chú anciano ni ma góc aprobar por stipnés ancianos, gac presidente ló reunión. Né xcalrracné superintendente xtuny reunión Mod nabanyno né mod ronyno Xchiin Dios, coordinador non guicaabu cuidad que ló tablero guicaa programa xtuny reunión.

  16. Ni radudy consej. Pal labúuni, toib anciano ni nantzay ragoʼ discurs non gony láani. Pal raquiinni, anciano reʼ guidudybu consej a ancianos né siervos ministeriales órni guitudyibu toib asignación ló plataforma ná nacni ló reunión Mod nabanyno né mod ronyno Xchiin Dios, coʼbu discurs, o coʼbu reunión ro rasuidyno Guiich ni caniʼ, Reunión ro rasuidyno ni ná la Biblia o órni goʼolbu párrafos (bibiʼ  párrafos 9). Pal lainy congregación noʼ xidal ancianos ni nantzay ragoʼ discurs né nac galán mextra, labúu guidzaʼbu cada íz par guidudybu consej. Diti raquiin guidudybu consej guirá ór órni toib anciano o ministerial ratudy discurs.

 17. Stipnés salas. Pal noʼ xidal herman ni radudy ló asignaciones estudiantiles labúu guiquiinto stipnés salas. Cada sala non gap toib herman ni guidudy consej: né pal labúuni non gacbu toib anciano. Pal nigolú raquiinni, toib siervo ministerial labúu gony láani. Guirá ancianos non guiniʼ chú guidudy consej lainy toib sala né pal raquiin guidzaʼyibu. Herman ni radudy consej non gony mod ná  párrafo 8. Pal noʼ stipnés salas gac galrraiby herman tzeeyibu órni guilox Guiyopyno cós ni rasac ni sieed de Dios ló sección «Gacno toib galán mextra». Guirá herman ni guitudy discurs lainy stipnés salas guibiguetyibu órni guilox sección «Gacno toib galán mextra». Órni guibiʼno video ni raslooy lóono ximod labúu guininéno buñ, guirá ni noʼ lainy stipnés salas pal labúuni layibu desde lagarycu guibiʼyibu videos né xi rasuidyni lóono. Pal yaca, ni radudy consej guiquimbu toib tableta par coʼbu videos né guinabdiitzbu xi rasuidyni lóono.

 18. Videos. Ló reunión reʼ sabiʼno tipnés videos, labúu guilitno láani ló aplicación JW Library. Pal ló reunión Mod nabanyno né mod ronyno Xchiin Dios ma godudy videos ni raslooy lóono ximod guininéno buñ, labúu guiquiinto láani ló reunión ni rac órni rareʼno yoʼ por yoʼ.