Rabiguet

Goyee ro ná índice xtuny contenidos

 MOD NON GUIBANYNO

«Gop respet bixioslo né xinaʼlo»

«Gop respet bixioslo né xinaʼlo»

Órni Jesús goyoʼ ló Gudxlio, guirási ór bisetlabu mandary reʼ: «Gop respet bixioslo né xinaʼlo» (Éx 20:12; Mt 15:4). Jesús diti biatzladxbu goniʼbu láani portín bisobbu bixiosbu né xinaʼbu dzú gócbu mbioxhlas (Lu 2:51). Dzú Jesús ma nigox, cuábu cuidad que xinaʼbu ñap ni naquiin órni ñaitybu (Jn 19:26, 27).

Ló naareʼ mbioxhlas ni rony ni ná Dios láaca raslooyibu que napyibu respet bixiosbu né xinábu órni rasobdiitzyibu né diti racapyroʼyibu. Mandary reʼ dipa radudy xtzúni. Ná bixiosno né xinaʼno ma buñgol layibu non gapno respet layibu né guicadiagno consej ni raduidyibu lóono (Pr 23:22). Stoib mod ni labúu gapno respet layibu: guicaano cuidad ximod rasacyibu né gacnéno layibu né bidxiich (1Ti 5:8). Ná pal nacno mbioxhlas o buñgox, toib mod galán ni gapno más respet layibu ngú guininéno layibu guirága ór.

ÓRNI MA BILOX BIBIʼLO VIDEO NI SIEED LÓ PIZARRA ANIMADA CÓMO HABLAR CON TUS PADRES, CUAPY GALRRANABDIITZ REʼ:

  • ¿Xigony rioʼ ór rasac naganlo guininélo bixioslo né xinaʼlo?

  • ¿Ximod labúu gaplo respet bixioslo né xinaʼlo órni gooylo diitz né layibu?

  • ¿Xí galnasác sacaʼlo pal ronylo xtem por gooylo diitz né bixioslo né xinaʼlo? (Pr 15:22).

    Pal rooylo diitz né bixioslo né xinaʼlo sarebuʼ guirá ni gonylo