Guirá ni goyaʼ ronyni que guidziguiaʼno Dios ni Bisaʼ lóono (Sl 19:1-4; 139:14). Per xcudxliogox Buñdzab rasuidy que guirá cós ni noʼ diti Dios bisaʼ láani né ngú rony buidy laa Jehová (Ro 1:18-25). ¿Xí labúu gonylo par diti guiluladx ximbioxlo ni rasuidyibu lainy yolayscuel? Ná niyeʼensayibu gocné layibu gonyibu crer que nigolú noʼ Jehová né guiduidyibu cuent que Jehová ronladx layibu (2Co 10:4, 5; Ef 6:16). Gonabdiitz layibu xí ronyibu pensary de guirá cós ni rasuidyibu lainy yolayscuel né biquiin guirá libros né guiich ni noʼ par gonyibu crer que nigolú noʼ Dios (Pr 20:5; Snt 1:19).

ÓRNI MA BIBIʼTO VIDEO NI LAA, NI RANIʼ STIPNÉS MBIOXHLAS: ¿NOʼ DIOS LA? COLGUICAPY GALRRANABDIITZ NI SIEED LAINY GUET REʼ:

  • ¿Xigony noʼ buñ ni rasac nagan gony crer que noʼ Dios?

  • ¿Xí rasuidylo lainy yolayscuel?

  • ¿Xigony raluladxlo que noʼ Dios?

  • ¿Ximod labúu ñacnélo toib buñ par ñonybu crer que Dios bisaʼ guirá cós ni noʼ?