XIGONY RASACNI: Zacarías goniʼ que buñ «de guirá gudxrop né de guirá clas diitz» sasaguel guicadiag diitz sacró ni sieed de Dios (Zac 8:23). Per ¿chú layibu nasuidy a guirá buñreʼ? (Ro 10:13-15). Lóono napno privilegio reʼ né xcuentno noʼ guisuidyno diitz sacró reʼ guiráxadit buñ ni rabés ló territorio ni napno (od-S pág. 84 párrs. 10, 11).

XIMOD GONYNO LÁANI:

  • Goyoʼ puext. ¿Ma bidzelo buñ ni raniʼ stoib diitz la? Labúu guiquiinlo JW Language par guisuidylo ximod guininélo láabu. Láaca labúu guiquiinlo celular o tableta par guislooylo láabu ximod guidzelbu ló jw.org información ló xtiitzbu.

  • Goyoʼ naní. Pal casaalo yoʼ por yoʼ, diti guituidylo oportunida ni naplo. Goniné buñ ni guidzaglólo né buñ ni cabés camión. Órni guiquiinlo camionguien par guiniʼlo xtiitz Dios, biyopy mod gooylo diitz né buñ.

  • Diti guireʼganlo. Biyopy mod guidzelo buñ ni diti noʼ rioʼ órni godudylo. Buny por guininélo toib buñ cada yoʼ ro tzeelo, labúu gonylo láani stoib ór dzúcuca o xomalcuca. Noʼ buñ nosi labúu ganbu de xtiitz Dios por carta, por teléfono o locay.

  • Diti guisianlo buñ ni bidzelo. Nimaca bibiguet par gacnélo ni bicadiag looy. Pal raniʼbu stoib diitz, biyopy toib herman ni raniʼ xtiitzbu ni labúu gacné láabu. Diti guisianlo láabu dada órni herman ni raniʼ xtiitzbu ma goyguen láabu (od-S págs. 93, 94 párrs. 39, 40).

BIBIʼ VIDEO NI LAA, RANINO XTIITZ DIOS «DADA LAGARY NI NOʼ MÁS SIT LÓ GUDXLIO» DE NGÚ BUNY GALRRANABDIITZ REʼ:

  • ¿Ximod guirá herman reʼ goyoʼyibu puext par naniʼyibu xtiitz Dios ló territorio ni noʼ sit? (1Co 9:22, 23).

  • ¿Xí galnagan cualóyibu?

  • ¿Xí galnasác cuaʼyibu?

  • ¿Xí labúu gonylo par gooylo diitz né más buñ ló territorio xtunylo?