Rabiguet

Goyee ro ná índice xtuny contenidos

 MOD NON GUIBANYNO

Colguisetnaladx tzeʼel Lot

Colguisetnaladx tzeʼel Lot

¿Xigony tzeʼel Lot bidxiguet lóo dzú caxonybu de gudx Sodoma? La Biblia diti raniʼ xigony (Gé 19:17, 26). Per stipnés versículos ralooypa raduidyni diitz que sigory bioʼobni láabu por guirá cós ni bisiambu (Lu 17:31, 32). ¿Xí raquiin gonyno par guicacuent Dios lóono né diti guisaclono xomod gosaclóo tzeʼel Lot? Diti guiduidyno lagary que bidxiich tzoʼni primer lagary (Mt 6:33). Jesús bisuidy que «diti labúu gacto esclavo xtuny Dios né gacto esclavo xtuny Bidxiich» (Mt 6:24). Por ngú, ¿xí non gonyno pal raduidyno cuent que nigolú nainy gapno bidxiich né ma diti napno tiemp gonyno xchiin Dios? Guinabno Jehová gacné lóono par ganno xi raquiin gonyno, né guinabno láabu guiduidybu balory lóono né galnadip par guitzaʼno mod nacno.

MOD BIBIʼLO LÓ TZÓN MIDID DE VIDEO REʼ, COLGUISETNALADX TZEʼEL LOT, CUAPY GALRRANABDIITZ NI SIEED LAINY GUET REʼ:

  • ¿Ximod labúu guislooya que rasetnaladxi ni gosaclóo tzeʼel Lot?

    ¿Ximod bitzaʼ mod góc xpensary, mod goniʼ né mod buny Gloria ni stipnés buny lafuers láabu par ñapbu más bidxiich?

  • ¿Xí rasuidy lóono mod gosaclóo tzeʼel Lot?

  • ¿Ximod gocné xilitz la Biblia a Joe né xfamily?

  • ¿Ximod por ni bidzak Ana xcompañerbu ni bunynébu dxiin bunyni que mersi nasiambu Jehová?

  • ¿Xigony raquiin gapno balory par diti coʼno bidxiich primer lagary órni tzoʼ ni guikíil lóono?

  • ¿Xí láani buny Brian né Gloria par nagoʼyibu xchiin Jehová primer lagary stoib?

  • ¿Xí litz rareʼ loguiaʼ ló video reʼ?