¿Chú layibu guicacuentno sacró? Guiráca ni guidxin ló reunión, ná pal laʼra sieedyibu o ma xidzú rimbuno layibu (Ro 15:7; Heb 13:2). Rioʼ ór radxin toib herman ni sieed stoib gudx o rioʼ ór radxin toib herman ni ma xidzú golsit de xcudx Jehová. ¿Ximod nasaclo pal ñoʼlo xalagarybu? ¿Xí diti nabaladxlo nacacuent herman looy sacró la? (Mt 7:12). Por ngú gonyno por guinino dioxh guirá buñ antes de saló reunión né órni ma biloxni. Pal ronyno ngú guirá ni guidxin ló reunión sasac sacróyibu né sabaladxyibu (Mt 5:16). Nanno que rioʼ ór diti labúu guininéno guiráca ni radxin ló reunión. Per pal guirácano ronyno por guinino dioxh buñ ni guidxin, guiráno sasacno sacró. *

Raquiin cobiono buñ guirási ór, diti nosi ló Memorial. Órni buñ laʼra casaló cadop né lóono ló reunión rabiʼyibu ximod ronladx herman saʼ, pentzi ngú labúu sachiin xcalnabanyibu gonyxiroʼyibu Dios né gacyibu toibsi né lóono (Jn 13:35).

^ Párrafo. 3 La Biblia nayaasi raibyni lóono que diti guidzakno buñ expulsad né buñ ni rasian xcudx Jehová né raniʼ que ma diti nainy gacbu testigo xtuny Jehová (1Co 5:11; 2Jn 10).