Rabiguet

Instrucciones par reunión Mod nabanyno né mod ronyno Xchiin Dios

Instrucciones par reunión Mod nabanyno né mod ronyno Xchiin Dios

CHOP TZÓN DIITZ PAR SALÓ

 2. Ti minut. Después ni gony cantarno né gac oración, presidente xtuny reunión saniʼbu xi láani tudy ló reunión ni ma yaaca saló. Sabeʼ loguiaʼbu puntos ni más gacné herman.

CÓS NI RASAC NI SIEED LÓ LA BIBLIA

  3. Discurs (10 minut). Ló guiich ni laa, Ni non gonyno ló reunión sitnéni tema né chop o tzón puntos ni más rareʼ loguiaʼ. Discurs reʼ toib anciano o siervo ministerial ni nantzay rasuidy, non guitudy láani. Órni saló golno toib libro xtuny la Biblia, sabiʼno toib video. Herman ni guitudy discurs reʼ labúu guisetlabu ximod nga radzak video reʼ né temacu, per non guicaabu  cuidad guisetlabu ni ná xquiichno, Ni non gonyno ló reunión. Láaca pal napbu tiemp, non guiquimbu retrat, dibuj né texto ni napni, portín radzakni né información ni guisuidyno.

 4. Guiyopyno cós ni rasac ni sieed de Dios (10 minut). Asignación reʼ gacni por galrranabdiitz né galrracapy né diti guiquiinlo introducción nili conclusión. Toib anciano o siervo ministerial ni nantzay rasuidy, guitudy láani. Herman reʼ non gonybu chop galrranabdiitz ni sitnéni. Láaca láabu non ganbu pal goʼolbu guirá textos ni sieed loni. Herman ni ná gony comentar gonybu láani galaʼ minut o menos.

  5. Textos ni golno ló la Biblia (4 minut). Asignación reʼ toib hermano non guitudy láani, né diti cuéxabu ni toib diitz órni salóbu né órni guilox goʼolbu. Presidente xtuny reunión reʼ gacnébu guirá herman ni goʼol, par guieen ni cayoʼolyibu, ganyibu goʼolyibu modpa sieed ló guiich, goʼolyibu láani nayadit, goʼolyibu xomod rooy buñ diitz, guiquiinyibu xirudxyibu galán. Raquiin goʼolyibu tzagaa diti goʼolyibu naguel né láaca raquiin guiniʼyibu fuers par labúu guieen buñ láani. Rioʼ ór tipnés textos más sioʼlni, por ngú superintendente xtuny reunión Mod nabanyno né mod ronyno Xchiin Dios, guibiʼbu pal hermano reʼ labúu goʼol láani.

GACNO TOIB GALÁN MEXTRA

 6. Quins minut. Sección reʼ sacné lóono par guinino xtiitz Dios né guisuidytzayno buñ. Herman gan pal guidudy toib publicación o guislooy toib video ni sieed ló kit de enseñanza, ná ló guiich ni guicaʼyibu diti sieed ximodpa gonyibu láani. Lagary ni laa, «Mod labúu guininéno buñ», sitnéni toib cuadriyen ni laa, «Bidzel texto reʼ ló kit de enseñanza». Herman ni nap asignaciones reʼ gan pal guiquiin láani o yaca. Ló guiich ni laa Ni non gonyno ló reunión sieed balac gacla tigaaga asignación né rioʼ ór sitnéni stipnés instrucciones. Herman diti raquiin guiyopy más información par guisaʼ minut ló asignación xtuny. Tipnés demostraciones pal rac ensayarni galán labúu loxni antes de timinut o más de timinut. Pal raquiinni, ancianos labúu guitudy asignaciones reʼ. Rioʼ ór sabiʼno toib video ni diti sieed ló programa. Asignación reʼ toib anciano o siervo ministerial ni nantzay rasuidy non guitudy láani.

 7. Videos ni raslooy lóono mod guininéno buñ. Videos xtuny primer buelt ni gooyno diitz né revisit, sabiʼno né sasuidyno láani xomal ni non tudyni. Asignación reʼ presidente xtuny reunión, non gony láani.

 8. Primer buelt ni gooyno diitz. Asignación reʼ guitudy toib hermano o hermana láani. Pal toib hermano guitudy láani, diti tudynébu toib buñgonaʼ, per pal nacyibu famil, labúu tudyibu. Labúu cuuyibu o guisagaʼyibu. Ni guitudy asignación reʼ gonybu láani xomod racni lagary ro rabésbu. Órni gonyibu demostración reʼ non gonyibu láani xomod ná «Mod labúu guininéno buñ».

 9. Revisit. Asignación reʼ guitudy toib hermano o hermana láani. Pal toib hermano guitudy láani, diti tudynébu toib buñgonaʼ (km-S 5/97 pág. 2). Labúu cuuyibu o guisagaʼyibu. Ni nap asignación reʼ non guislooy lóono xi labúu guinino órni guibiguetno ronoʼ buñ ni bicadiagtzay lóono. Non gonyibu láani xomod ná «Mod labúu guininéno buñ».

 10. Rasuidyno buñ. Asignación reʼ guitudy toib hermano o hermana láani. Pal toib hermano guitudy láani, diti tudynébu toib buñgonaʼ (km-S 5/97 pág. 2). Labúu cuuyibu o guisagaʼyibu. Asignación reʼ nacni toib curso bíblico ni ma gosaló. Diti fuerspa gonybu toib introducción o toib conclusión, labúu gonybu láani pal cayonybu dxiin loni. Láaca diti fuerspa goʼolbu guidopyca información ni sitnéni, ná labúu gonybu láani. Raquiin guislooybu que nacbu toib galán mextra.

 11. Discurs. Asignación reʼ toib hermano non guitudy láani né gonybu láani xomod toib discurs.

 MOD NON GUIBANYNO

 12. Sección reʼ rasalóni né toib canción. Ló 15 minut ni sieed sitnéni toib o chop asignación ni gacné a herman guibanyibu mod ná Xtiitz Dios. Pal diti scú nacni, asignación reʼ toib anciano o siervo ministerial ni nantzay rasuidy guitudy láani, per asignación ni laa, «Ro raquiin gony herman dxiin», nosi anciano non guitudy láani.

  13. Reunión ro rasuidyno ni ná la Biblia (30 minut). Asignación reʼ toib anciano ni nantzay rasuidy non guitudy láani (pal diti noʼ xidal ancianos lainy tipnés congregaciones láaca labúu guiquiinyibu siervos ministeriales ni nantzay rasuidy). Ancianos ni noʼ lainy congregación non guiniʼ xi ministerial ni nan rasuidy gony láani. Herman ni rabúyibu diti non tudyibu tiemp, guiquintzayibu textos né gacnéyibu herman par guieen ximod racnéni layibu. Sadzelto tipnés instrucciones ni noʼ par herman ni ratudy reunión ro rasuidyno Guiich ni caniʼ. Órni herman reʼ ma golexatzay guirá información reʼ, ma diti rac fuers guisaʼbu 30 minut. Pal labúuni, cada xomal gadzéga herman guitudy asignación reʼ né gadzéga herman goʼol párrafos. Pal presidente ranab gonybu láani más naguel, hermano reʼ non gan ximod gony láani. Toib mod ni gonybu láani ngú diti goʼolbu tipnés párrafos.

CHOP TZÓN DIITZ PAR GUILOX

  14. Tzón minut. Herman ni nac presidente gonybu repas tipnés puntos ni bisuidyno ló reunión. Láaca guisetlabu ni tudy stoib xomal, modreʼ herman sony pensary loni. Pal noʼ más tiemp, labúu guisetlabu laa herman ni tudy stoib xomal. Pal diti scú láani, presidente labúu guidudy anuncios o goʼol tipnés guiich, presidente non gony láani órni ma guilox reunión. Tipnés información ni raquiin gan herman xomod: ór par guireʼyibu yoʼ por yoʼ né chú guisiá salón, diti non guiniʼyibu láani ló plataforma, anuncios reʼ sacáni ló tablero. Pal diti noʼ tiemp par goʼolbu anuncios o goʼolbu guiich ni raquiin gan herman, presidente sanab guirá herman ni tudy ló reunión «Mod non guibanyno» gonyibu láani más dop (bibiʼ  párrafo 13 17). Reunión reʼ guiloxni né canción né guinabno lóo Jehová.

GACNO TOIB GALÁN MEXTRA NÉ GOʼOLTZAYNO

 15. Guirá herman ni radudy ló plataforma non guitnéyibu follet Gacno toib galán mextra ná pal napyibu láani ló guiich o ló formato digital. Presidente xtuny reunión non guiquimbu follet reʼ par guidudybu consej né gony animarbu herman. Guirá herman ni tudy, guicáyibu cuidad xi lesiony sieed lainy paréntesis xomod ná guiich ni laa, Ni non gonyno ló reunión. Lagary ro ná «Ro cayonylo dxiin», nacni nosi par herman ni nap asignación. Presidente diti non guicaʼbu xitcal lagary reʼ.

DIITZ NI RACNÉ NÉ CONSEJ

  16. Guilox tudy tigaaga discurs ni noʼ, presidente napbu midid timinut par gony felicitarbu herman né guidudybu consej ni sieed ló follet Gacno toib galán mextra. Órni presidente guiniʼ chú láabu tudy, diti guiniʼbu ló xi lesiony cayony herman reʼ dxiin. Órni guilox toib asignación né después ni ma buny felicitarbu herman, labúu guisetlabu ló xi lesiony buny herman reʼ dxiin né cuéxabu xigony galán bunybu láani, o guiniʼbu pu labúu gony herman reʼ dxiin par gonybu láani más galán. Presidente láaca guisetlabu tipnés cós ni gacné a herman reʼ o ni gacné a herman ni dxee ló reunión. Órni guilox reunión o stoib ór, herman ni raquiin galrracné labúu guininé presidente láabu tiplad né gaiby láabu ximod guisobbu ni ná follet Gacno toib galán mextra o mod ná libro Benefíciese, ná pal nacni ló lesiony ro cayonybu dxiin o ló stoib aspecto (ló  párrafos 17,  22 24 sadzelo más información xi dxiin rony toib presidente xtuny reunión Mod nabanyno né mod ronyno Xchiin Dios né xi dxiin rony herman ni radudy consej).

 TIEMP

     17. Guirá asignación (láaca chop tzón diitz ni guiniʼ herman ni nac presidente) diti non tudyni tiemp. Labúu gonybu láani más dop pal ló chop tzón roʼ ma golexatzaybu asignación xtunybu. Pal herman ni nap asignación radudybu tiemp, sioʼ ni guicaa lóbu nagachca. Pal toib hermano radudy tiemp, herman ni radudy consej guininé láabu tiplad (bibiʼ  párrafo 24). Guidopyca reunión, canciones né oración non gaclani ti ór né cuarenta y cinco minut.

VISIT XTUNY SUPERINTENDENTE DE CIRCUIT

 18. Órni congregación gap visit sácni xomod sieed ló programa Ni non gonyno ló reunión. Nosi ló «Reunión ro rasuidyno ni ná la Biblia» diti sasuidyno láani xomalcu. Toib discurs ni guitudy superintendente de circuit sioʼ xalagaryni, né saclani 30 minut. Antes ni tudy discurs reʼ, presidente gonybu toib repas ni ma bisuidyno né guiniʼbu xi láani tudy stoib xomal, guitudybu anuncios né goʼolbu guiich ni raquiin gan herman né después guiniʼbu que superintendente de circuit ma coʼ discurs. Después ni guilox discurs reʼ, superintendente de circuit guisloʼox reunión reʼ né canción ni ma golúbu. Labúu guinabbu toib herman gony oración. Diti sioʼ clases auxiliares ló diitz ni raniʼ congregación ló xomal de visit. Grupos ni raniʼ stipnés diitz labúu gapyibu xireuniónyibu órni congregación ro radopyibu nap visit. Per órni superintendente de circuit coʼ discurs de servicio non tzeeyibu ronoʼ sala principal par guicadiagyibu discurs reʼ.

XOMAL DE SAMBLIA

 19. Xomal ni rioʼ samblia, diti sioʼ ni toib reunión. Herman non guisuidy ni tudy ló reunión por tigaagayibu o gonyibu láani né xfamilyibu.

XOMAL NI GAC MEMORIAL

 20. Pal Memorial riabni lainy xomal, ma diti sapno reunión Mod nabanyno né mod ronyno Xchiin Dios. Per sioʼ reunión par guireʼno yoʼ por yoʼ dzúcu.

SUPERINTENDENTE XTUNY REUNIÓN MOD NABANYNO NÉ MOD RONYNO XCHIIN DIOS

 21. Nacbu toib anciano ni ma golú cuerpo de ancianos. Hermano reʼ guicaa cuidad gacni mod ná guirá instrucciones ni noʼ. Non gooybu diitz né herman ni radudy consej par gonyibu dxiin galán. Órni guidxin guiich Ni non gonyno ló reunión, gonybu toib programa ro guicaʼbu chú gap asignación ló beʼocu (bibiʼ  párrafo 5 a 11). Asignaciones reʼ non guireʼni ló guiich né guiquiinlo formulario ni laa, Ni guituidylo ló reunión Mod ronyno Xchiin Dios (S-89) né gonycuentlo asignación reʼ tzón xomal antes.

PRESIDENTE XTUNY REUNIÓN MOD NABANYNO NÉ MOD RONYNO XCHIIN DIOS

  22. Cada xomal, toib anciano gac presidente ló guidopy reunión Mod nabanyno né mod ronyno Xchiin Dios (pal lainy congregación noʼ goxeʼsi ancianos, asignación reʼ toib siervo ministerial ni nantzay labúu gony láani). Presidente non guisuidybu xquiichbu par guiniʼbu chop tzón roʼ órni saló reunión né órni guiloxni, ngúca non gonybu órni guislooybu toib video ni guiquiinno yoʼ por yoʼ. Non guitudybu guirá asignaciones, né pal goxeʼsi ancianos noʼ, presidente láaca labúu guitudybu tipnés asignaciones ló reunión reʼ. Órni presidente guiniʼ laa stoib herman ni tudy diti gaclabu. Guirá ancianos guiniʼ chú labúu gac presidente ló reunión. Guirá herman ni ma golúyibu gac presidente sac turnaryibu. Sioʼ ór, lainy toib congregación raquiin que hermano ni nac superintendente seguidca gacbu presidente. Pal toib anciano ratudy «Reunión ro rasuidyno ni ná la Biblia», láaca labúu gacbu presidente. Ranabdo lóoto gapto cuidad que anciano ni gac presidente labúu guidudybu consej né gacnébu herman ni gap asignaciones. Herman reʼ láaca non guicaabu cuidad que reunión reʼ guiloxni xorpani (bibiʼ  párrafos 14 17). Pal presidente nainy gony láani né noʼ xiroʼ lagary ló plataforma labúu guiquimbu  toib micrófono de pedestal né desde cú guiniʼbu chú herman tudy, laʼga herman ni tudy caguaʼtzay ló plataforma. Par diti guisnit presidente más tiemp, looca plataforma non guisagaʼ toib mexh né toib xilet par cuu presidente laʼga herman cayoʼol la Biblia né laʼga cadudy sección «Gacno toib galán mextra».

COORDINADOR XTUNY CUERPO DE ANCIANOS

 23. Coordinador o stoib anciano ni racné láabu guiniʼ chú gac presidente xtuny cada reunión né chú guitudy asignaciones, nosi ni diti gonybu ngú asignaciones estudiantiles. Láaca guiniʼbu chú anciano ni ma góc aprobar por stipnés ancianos, gac presidente ló reunión. Né xcalrracné superintendente xtuny reunión Mod nabanyno né mod ronyno Xchiin Dios, coordinador non guicaabu cuidad que ló tablero guicaa programa xtuny reunión.

NI RADUDY CONSEJ

   24. Pal labúuni, toib anciano ni nantzay ragoʼ discurs non gony láani. Pal raquiinni, anciano reʼ guidudybu consej a ancianos né siervos ministeriales ni guitudy asignación ló reunión Mod nabanyno né mod ronyno Xchiin Dios, ni coʼ discurs, ni coʼ reunión ro rasuidyno Guiich ni caniʼ, ni coʼ «Reunión ro rasuidyno ni ná la Biblia», o ni goʼol párrafos (bibiʼ  párrafo 17). Pal lainy congregación noʼ xidal ancianos ni nantzay ragoʼ discurs né nac galán mextra, labúu guidzaʼbu cada íz par guidudybu consej. Diti raquiin guidudybu consej guirá ór órni toib anciano o ministerial guitudy discurs.

STIPNÉS SALAS

 25. Pal noʼ xidal herman ni radudy ló asignaciones estudiantiles labúu guiquiinto stipnés salas. Cada sala non gap toib herman ni guidudy consej: né pal labúuni non gacbu toib anciano. Pal nigolú raquiinni, toib siervo ministerial ni nantzay rasuidy, labúu gony láani. Guirá ancianos non guiniʼ chú guidudy consej lainy toib sala né pal raquiin guidzaʼyibu. Herman ni radudy consej non gony mod ná  párrafo 16. Sanabyibu herman tzee lainy salas auxiliares órni guilox asignación ni laa, «Guiyopyno cós ni rasac ni sieed de Dios» ni sieed ló sección «Cós ni rasac ni sieed ló la Biblia». Órni guilox reunión ni laa, «Gacno toib galán mextra» guiráyibu guibiguetyibu lainy sala principal. Pal labúuni, órni guibiʼno toib video, guirá ni noʼ lainy stipnés salas desde lagarycu guibiʼyibu video né xi rasuidyni lóono. Pal yaca, ni radudy consej guiquimbu toib tableta par coʼbu video né guinabdiitzbu xi rasuidyni lóono.

VIDEOS

 26. Ló reunión reʼ sabiʼno tipnés video, labúu guilitno láani ló aplicación JW Library®. Pal ló reunión Mod nabanyno né mod ronyno Xchiin Dios ma godudy video ni raslooy lóono ximod guininéno buñ, labúu guiquiinto láani ló reunión ni rac órni rareʼno yoʼ por yoʼ.