Si gu ku mbatayo

Mo gu kuti tangaratangara ariihe

ADezire Yekova

Mo sia fugo Zande

 RAKA NI AKRISTANO

“Yesu anyakasi gu rugute nga “mo niirisi bamo na namo.” Ya mo digido gi rugute re ti ni?

“Yesu anyakasi gu rugute nga “mo niirisi bamo na namo.” Ya mo digido gi rugute re ti ni?

Ho Yesu aata ni auru kpotosende, ko anyakasi gu zinahe nga: “Mo niirisi bamo na namo.” (Gate 20:12; Mt 15:4) Yesu adu na ranirii nga ga fugo mbiko ko ‘agi sangba’ avunguko ho ko adu ni ni paranga ko. (Rk 2:51) Ho ko ada ni ngangarã boro, ko amoiberã ko nga si naida i ngere angerafuo nako tifuo kpio ko.—Yo 19:26, 27.

Zavura ti gi gaani regbo re, gu paranga aboro nga aKristano nagiasangba avunguyo na kini fura fuyo rogo irisa yo, i nayugo irisa fuyo. Nirengo, digido gu zinahe nga ka irisa avungura ti ni te. Ka si vura du vuru nga avungurani ima gbinza, si naida ani nindu kindi kumbatayo kaa irisa yo na kini gbia undo ti gayo tatamana. (Snz 23:22) Ani nangerafuo gbinza avungurani ni ngera ani tipa agu apai nafuda yo berãyo yo na kini fu marã fuyo tipa agu ahe i aidaha. (1Tim 5:8) Singia ani nga paranga aboro watadu gbinza aboro, banda wene fugodagbase na avungurani nga rifungura tipa irisa yo.

ONI BI GU VIDIO NGA GA KEKE ASURA NGA, WAI GU RENGBE MI KA FURA FU AVUNGURE? NA KI KARAGAPAI KUTI AGI ASANAHE RE:

  • Tipagine rengbehe ka du ti ni ni kpakarakpakaraha foro ka fura na avunguro?

  • Wai gu rengbe mo ka irisa avunguro ho mo afura ni fuyo?

  • Gini undo du ti manga ome ka fura na avunguro? (Snz 15:22)

    Fura na avunguro ima rengba ka undo ro mo du na diabese rogo raka yo