Me yekaru Yisaraere yo aaida bakere sunge na bakere marã tipa ahu he. Sidu, aYisaraere aima songodapa me yekaru kakaka. (1Pka 29:2-9; 2Pka 6:7, 8) Fuo nyasa me yekaru, aYisaraere aangerafuoho wenengai, na si ki yugu gupai nga i aima du wenengai rogo toro yo. (2Ki 22:3-6; 2Ch 28:24; 29:3) Areme, awirina nafutiyo na gayo regbo tipa meka aBambu Kindo, aBambu kikindigi adunguratise, kini girisihe na kini ngerefuoho. Sidu, mangasunge na Yekova rogo gi gene re nga bakerepa mamu, na si nga papara gaani ziazia sunge.Tam 127:1; Yugo 7:15.

AGU AGENE RENGBE ANI KA UNDO NGBAHA NGA . . .

  • Giriso rago fuo adunguratise dunduko. Ka rengba adunga bero ya, mo rogodi kina agu abiriko kaa du patiro.

  • Fubee dedede sa giriso Bambu Kindo na kini ngerefuoho. Dungu abee nasa sunge taata na ni wenehe.lv-E 92-93 ¶18.

  • Undo na marã. Ka boro vura fu “rukutu marã sirigi ue” na ngbaduniyo dunduko, Yekova nadu na bakere ngbarago.Mk 12:41-44.

  • Futise ka me abambu rogo ga Yekova riigbu na kini mbakadihe ka rengba du. Anga si nga boro du mbata na gu inohe nga ga me bambu ni kini ru ka ndu tipaha te.