Si gu ku mbatayo

Si gu kuti ue abanguaha

Mo gu kuti tangaratangara ariihe

ADezire Yekova

Zande

Gaani Raka Nga ga AKristano na Gaani Sunge--Waraga Dunguratise  |  Marungu 2016

 RAKA NI AKRISTANO

Zingabekpio Nika Du Mbiko ga Yesu Motumo Tumorii

Zingabekpio Nika Du Mbiko ga Yesu Motumo Tumorii

Regbo Tingida Pakpio Yesu nafu mamu furani tipa ani berãkurii agu amaku du kumbatayo ani nika gbiaha mbiko motumo tumorii, wa gu nga zingabekpio. Yekova akusanga wiri aboro na gu berã nga i kpi te. Si du duhe ti ni nga ho gu boro ani akpinyemu ni akpi ni, si naimisa rani susi apai dunduko. (1Kor 15:26) Ho Yesu abi gako abawiriki ni i ni kpari Razaro, ko arungo arungo kpotokoyo. (Yo 11:33-35) Wa duhe nga Yesu ayugu kpia ga Bako asino wenengai, ani ima rengba kadu na kido nga Yekova narungo arungo ho ko abi rani ni ani rungo tipa gu gaani boro kpi. (Yo 14:7) Yekova napido gu regbo kumbatayo ko nika zingisa gako amoyambu ti ni berewe, na kinawo si aida ani du a.Eyo 14:14, 15.

Ono wa duhe nga Yekova nga Mbori ruguzuruguzu apai te, ani ima rengba ka ida kuti gupai nga zingabekpio nika du adu ti genehe. (1Kor 14:33, 40) Kuba kpee, ani nikaa dia agu aboro kugume nika zingabekpio. Ya mo mo naaberãkurii zingabekpio gbe ti gu regbo du mo na rungo kpotoroyo tipa gu boro kpi? (2Kor 4:17, 18) Ya mo mo natambua Yekova tipa motumo tumorii na tipa yugo ko gupai rogo Ziazia Kekeapai nga kpikpi aboro nika raka araka berewe?—Koro 3:15.

  • Gini abadiangbaro na agumero mo amaabangiro tipa ka bi yo berewe?

  • Gini aboro du pa yo rogo Ziazia Kekeapai mo aida ka gbia yo na ki fura na yo?