Si gu ku mbatayo

Si gu kuti ue abanguaha

Mo gu kuti tangaratangara ariihe

ADezire Yekova

Zande

Gaani Raka Nga ga AKristano na Gaani Sunge--Waraga Dunguratise  |  Banzinga 2017

 RAKA NI AKRISTANO

Mo Gbia Ngbarago ti Tungusa Wene Pangbanga

Mo Gbia Ngbarago ti Tungusa Wene Pangbanga

Ya mo mo abingo ho ti kura regbo ni kpakarakpakaraha tipa ka tungusapai? Badungu rani rengbe ka karagapai kuti gu sanahe re nga ii. Tipagine? Si rengbe ka du nga ani nagbia tirani dedede na kparakaro watadu sogote rogo gaani dagbarago, watadu ani nagunde agunde be fura na agu aboro ani ainongo yo ya. Nirengo, agi apai re ima rengba ka gbarasapa gaani ngbarago. Wa vura duhe wo, ani nairiso betedi Mbori nga gu ko naida ani irisi ko na ngbarago (Tam. 100:2; 1 Tim. 1:11) Gini wene nduapai biata nasarani ani tungusipai na ngbarago?

Bambatapai nga, ani takapande pangbanga maabangirise. Wa vura duhe nga maabangirise nago ago areme ti aboro, ani ima rengba ka hiiso ngbaduyo yo na “wene pangbanga wene ahe.” (Yes. 52:7) Ono gu wene pangbanga nga ga ga Mbori Kindo ima rengba ka hiiso rani a na ngbarago. Mbata fu mo kuru gene tungusapai yo, mo berẽkurii agu amaku ga Mbori Kindo nika ye na ni ku auru kpotosende.

Ue pai nga, gu wene pangbanga ani atungusaha naundo aboro rogo toro yo na rogo borose yo. I nawirikapai tipa ka mbu gbegberẽ mangaapai na kadu na maabangirise tipa nyenye unga. (Yes. 48:17, 18; Rom. 1:16) Ani berẽnga pa tirani ani nimangisunge nga ga gbata aboro ka batasa yo. Wa vura duhe nga kura aboro aidanga i batasiyo te, ani nakpatagara kindi kuti gbata aguyo naida ka bata.—Mt. 10:11-14.

Biata pai nyakipaha ki susi nga, gaani tungusapai naye na taarimo fu Yekova. Ko nabi gaani sunge tungusapai na nyanyakipaha kisusi. (Yes. 43:10; Eb. 6:10) Kurigure, ko nagama gako ziazia toro furani tipa ani mangi gi sunge re. Sidu, ani sana Yekova tipa ngbarago nga zuzu toro. (Gara. 5:22) Na gako undo, ani ima rengba ka diabe gaani abakabangirise na kini tungusipai na wingbaduse. (Amo. 4:31) Sidu, zanga bipa wai aboro akaragapai kuti gaani sunge tungusapai, ani nikaa gbia ngbarago agbia ti gaani sunge nga ga tungusapai.—Yeze. 3:3.

Gini sino mo aida kadu na ni gene tungusapai yo? Wai rengbe mo ka yugoho nga mo na ngbarago?

ONI BI GU VIDIO NGA, GBIA NGBARAGO BEREWE TI WISIGOPAI GBIATI BERÃKURIIPAI, NA ONI KI KARAGAPAI KUTI AGI ASANAHE DU KUSENDE RE:

  • Tipagine si aida ani peresipa gaani wisigopai nga ga toro ti ni mbatayo, ka si vura du vuru nga ani nadia bakere regbo kuti tungusapai rogo adiwi ni basasa?

  • Rogo gini agene rengbe ani ka wirika Maria ngbaha?

  • Gini regbo mo asiaha tipa kaa berãkurii Fugo Mbori?

  • Ginipai nafu ngbarago foro ho mo atungusa wene pangbanga ni?