Ya mo ani naraka ti “kusa rago”?

Mo rengbe ka ya karaga pai nga?

  • Ii

  • Mi ainongo ho te

Gupai Ziazia Kekeapai agumbaha

“Rogo kusa rago gbegberẽ rago aye.” (2 Timoteo 3:1) Gu sangbaanebi du rogo Ziazia Kekeapai kodihe na agu apai namanga awere nayugopa gi regbo re ni “kusa rago.”

Gini kura apai ani awirikaha rogo Ziazia Kekeapai yo?

  • I naino pa yangara arame ti avura, gomoro, abazigizo, gbiati kere riri akaza.—Matayo 24:3, 7; Ruka 21:11.

  • Ti yangara areme, riko aboro nika mbu be gbegberẽ mangaapai gbiati zingo agu apai nga ga toro.—2 Timoteo 3:2-5.

Gini maabangirise duho tipa aboro kumbatayo?

Kura aboro idi kuti gupai nga . . . kusa rago nika digo na gberesa gi kpotosende re gbiati agu aboro dunduko du rogoho, aguyo kini berẽhe nga apai nika du adu ni wenehe kumbatayo. Ga mo bipai nga gine?

Gupai Ziazia Kekeapai agumbaha

“Ruru aboro adía kumbo ringara, ki nye anye kindi.”Atambuahe 37:29.

Gini kura apai rengbe ani ka awirikaha rogo Ziazia Kekeapai yo?

  • I nika digiso kusa rago ni dia gbegberẽ apai dunduko kusayo.—1 Yoane 2:17.

  • I nika sa kpotosende ni paradizo.—Yesaya 35:1, 6.