Ya mo gu Yisaraere naadu mbata adu na bakere bire wa Ziazia Kekeapai apehe?

Ziazia Kekeapai naya gu kura apapara Ringara Mokido aima du na bire rogoho na angua “ni ngenge he.” (1 Aba. 10:27; Yos. 17:15, 18) Wa si avura duho, ho ababisirapai abi wai du bakere papara gu ringara re nga bire rogoho te, i na bakabangiriyo singia gupai re nga rengo nzunzu.

Zende ngua wa birikito

Gu buku nga Life in Biblical Israel nasakapai nga “bire aima kio rogo gu Yisaraere naadu mbata kisusi gu du areme.” Agu agangara du rogo gu ringara re ima hi be ngbatunga angua ni bakiakia. Rogo gu rago nga Shephelah nga gu nakoda agu agangara du pavuru gu ime nga Mediterena, agu angua nga vurumo adu yo a kpaima.

Gu buku nga Plants of the Bible naya gu kura papara arago awere Yisaraere yo angua rogoho te. Ginihe naaye na gipai re? Gu buku re asakipai tipa gipai re nga si aamanga yeeyee nga: “Aboro ima gbarasa angua tipa gbanga regbo, gbe tipa ka sopa gayo abino, ka riga gayo anya, na tipa ka gbata angua tipa ka dua gayo abambu na ni na tipa ka gindoho.”