Si gu ku mbatayo

Mo gu kuti tangaratangara ariihe

AGU APAI NANDU NA GUPAI DU TI KPOTOHO | YA MO MBORI NABERÃPA RO?

Mbori Nabi Ro Abi

Mbori Nabi Ro Abi

“Bangiriko du ku ri ga boro apai, ko nabi pa gani nduge dunduko.”EYOBO 34:21.

Ho du gude ni ni tooni ru, si niidi avunguru moiberã yo ni bakerehe fuoru

NDU GUPAI KURA ABORO ATIKÖ ATIKÖ TI NI: Ringbisihe kuti gu vovo wisigopai mangi barambeda, badona akerekuru sa ima rengba kadu na kura azegino rogoho nga 100 abirioni. Nibi wai du zegino ni babakere he gbe, kura aboro nasanahe nga, ‘Tipagine rengbe Mbori ti ni ka wisigo agu apai aboro amangaha rogo wiri tooni zegino kuba ko wisigi gu kura kikindigi azegino?’

GUPAI FUGO MBORI AYUGOHO: Mbori aafunga Ziazia Kekeapai furani na nyemurani ki guari ti ko te. Kuba gure, ko nakido rani nga: “Mi arúga ro ni maa bangire ti ro.”Atambuahe 32:8.

Ani bingo gupai naadu tipa Agara nangia gu boro Ezipeta nidee naraki rogo 20 kama agarã Mbata fu Batikayo Kristo. Ri aairisanga nairari nangia Sarai te, sidu, Sarai kini mo ka manga furi gbegberẽ, Agara ki oro ku ngbakungba yo. Ya mo Mbori aaberãnga pa Agara fuo manga ri gbegberẽ pai te? Ziazia Kekeapai naya: “Ga Yekova maraika ki bi ri.” Gu maraika re akido ri nga: “Yekova gi pa ga rungo.” Agara ki karagapai fu Yekova ki ya: “Mo nga Mbori nabi apai.”Bambata Pai 16:4-13.

Gu “Mbori nabi apai” nabi ro abi a. Ni kpiapai, naagude naamaa berãri amaa dedede fuo awiiri wa duhe nga gu tooni ru naida i ni ngere angerafuo ru. Wakina gure a, Mbori nangera angerafuo rani ti agu aregbo du ani na rungo watadu ho du ani ni wa boro tirani te. Yekova naya: “Mi naraka rogo gu ba du ari yo gbe du ni kparakpara ha ziazia, na gu boro du na toro rungo ti ni na umbasitise, ka ungasi toro aboro umbasitise, na ka ungasi kpoto agu yo yo du ni rungorungo yo.”Yesaya 57:15.

Wa vura duhe wo, mo ima rengba ka berã nga: ‘Mbori nabi re wai? Ya mo ko nasarangbanga re ringbisihe kuti wai du bibi re, watadu ko nawisigo re dudunguro tipa ka rugatiko na gini ngbatunga boro nga mi?’