Si gu ku mbatayo

Si gu kuti ue abanguaha

Mo gu kuti tangaratangara ariihe

ADezire Yekova

Zande

Ngbaõbambu Sinziri  |  Buza 2014

 AGU APAI NANDU NA GUPAI DU TI KPOTOHO | YA MO MBORI NABERÃPA RO?

Mbori Ima Ino Gupai Du Tipa Ro

Mbori Ima Ino Gupai Du Tipa Ro

“Ako Yekova, mo awisigi pa re, ki ini re!”ATAMBUAHE 139:1.

“Bangiro abi kpotore wa si adu ni iwo ho.”ATAMBUAHE 139:16

NDU GUPAI KURA ABORO ATIKÖ ATIKÖ TI NI: Dungu aboro naberã gupai nga Mbori nabi aboro ni aboro ingapai na ni bibiriko yo, si aidanga ko moiberã ko fuoyo te. Sangbakpoto Kendra yo naambu be bakere gberãrago, mbiko ri arengbanga ka raka ringbisihe kuti gupai Mbori akpinyemu te. Ni sangbana gipai re, ri aya, “Mi ambu kpara fu Mbori.”

GUPAI FUGO MBORI AYUGOHO: Yekova angeranga kina kuti gaani aingapai te, ono ko ima ino gini ngbatunga aboro nga ani. Ziazia Kekeapai naya “ko ini pa bororani; ko natingida pa rani ya nvutu sende nga ani.” Kurigure, ko amanganga rani ringbisihe “kuti gaani ingaapai te,” ono ko nahipai na kini mbupai furani ho ani saberã ni.Atambuahe 103:10, 14.

Oni bingo gupai naadu tipa Davide nangia Bakindo aYisaraere ani nifura tipa ko ti bambata kekeapai. Ko akpari fu ­Mbori ki ya: “Bangiro abi kpotore wa si adu ni iwo ho; i ake pa apare dunduko ku rogo ga kitabu . . . Ako Mbori, mo wísigi pa re, ki ini pa kpotore yo!” (Atambuahe 139:16, 23) Nirengo, Davide aima ino gupai nga, wa ko avura manga kere ingapai, Yekova aima ino gupai ku kpotoko yo nga ko ima saberã.

Yekova ima ino gupai du tipa ro kisusi kura aboro. Ziazia Kekeapai naya: “Aboro nabi kina gu tama boro du ti kpotoni, ono Yekova nangera ku kpoto aboro yo.” (1 Samuere 16:7) Mbori ima ino gupai nasa ro mo nimangipai wai mo amangaha re, si rengbe kadu nga agu asino mo adihe ti avunguro, gu gene i asonosi ro ngbaha, sino gu rago mo araka rogoho, watadu asino ro du nasa ro mo du wo. Ko nabi ro na kikiipa ro, wa vura duhe nga mo nainga ainga ti kura aregbo.

Wai Mbori amangasunge na gu inohe du ko na ni tipa ro ka fu wasa foro?