Si gu ku mbatayo

Mo gu kuti tangaratangara ariihe

ADezire Yekova

Mo sia fugo Zande

Agu Asanahe Ziazia Kekepai Akaragapai Kutini

Agu Asanahe Ziazia Kekepai Akaragapai Kutini

Da nzunzu nazogo gi zegino re?

Ka i niya Mbori du na zoga gi zegino re, ya mo ka si hi be arungo?

Dungu aboro idi kuti gupai nga ndikidi Mbori nazoga gi zegino re. Ya mo ka i niya rengo du, ka gi zegino re hi be arungo? (Pa Fu Rugute ni Ue he 32:4, 5) Ringbisihe kuti Ziazia Kekeapai, zegino ni zogozogoho be gbegberẽ ko.Oni gedi 1 Yoane 5:19.

Wai gi gbegberẽ boro re agbia ome ka tona zoga gi zegino re? Ti tonatona gu pangbanga nga ga aboro, maraika sa asamungu kuti Mbori na ki zomia bambata aboro i samungu kuti Mbori a. (Bambata Pai 3:1-6) Gi arogotise re asia ka gia sangba gu maraika na samungu nga Satana re, na ki sako ni gayo bazogo. Gu Mbori Duna Tanduapai Dũ nga gu bangisa boro rẽ tipa ka zoga aboro, ono ko naida aboro sia gako zogarago mbiko i na kpinyemuko. (Pa Fu Rugute ni Ue he 6:6; 30:16, 19) Si nafu kina gberarago nga, dungu aboro amangi kina gu bangisa gbegberẽ siapai bambata aboro amangihe re.Oni gedi Yugoti 12:9.

Da tie nika mbakada gipai re?

Ya mo Mbori nika mbu Satana ambu ko ni ndu ku mbatayo na gi gako gbegberẽ zogarago re? Wagu sa te! Mbori nika mangasunge na Yesu tipa ka dia gu gbegberẽ apai Satana namangihe kusayo.—Oni gedi 1 Yoane 3:8.

Mbori nika fu ome fu Yesu ko nyasi riipa Satana. (ARomo 16:20) Fuo gure, Mbori nika zoga aboro na ki karagayo ku rogo gu raka nga ga ngbarago na zereda kina wai ko aida si du ti tonatona.Oni gedi Yugoti 21:3-5.