Si gu ku mbatayo

Si gu kuti ue abanguaha

Mo gu kuti tangaratangara ariihe

ADezire Yekova

Zande

Ngbaõbambu Sinziri (Gu du Tipa Dungurati)  |  Marungu 2016

Ginipai Ziazia Kekeapai Agumbaha?

Ginipai Ziazia Kekeapai Agumbaha?

Da nga Bakitingbanga?

MO RENGBE KA YA Bakitingbanga nga . . .

  • Gu boro nga toro?

  • Gu kpia gbegberẽpai du rogo boro yo?

  • Kungbo sangbari yo?

GUPAI ZIAZIA KEKEAPAI AGUMBAHA

Bakitingbanga asakipai na Yesu na ki “asadi ko.” (Matayo 4:1-4) Sidu, anga Bakitingbanga nga kungbo sangbari yo te, anga ko a nga kungbo kpia gbegberẽpai te. Ko nga gbegberẽ boro ni toro.

GINI KURAPAI RENGBE ANI KA WIRIKAHA ROGO ZIAZIA KEKEAPAI YO TIPA KO?

  • Bakitingbanga angia ziazia maraika mbata, ono “ko anye nga na rengo te.” (Yoane 8:44) Ko adani irazire na ki samungu kuti Mbori.

  • Kura amaraika akoditiyo kuti ga Satana samungu.—Yugoti 12:9.

  • Bakitingbanga na kiso bangiri dungu aboro ka i iningo pai tipa ko ya.—2 AKorindo 4:4.

Ya mo Bakitingbanga na ome kurii aboro?

KURA ABORO NAYA ziree du nga Bakitingbanga na ome kurii aboro, baraho aguyo agunde ni be gbegberẽ atoro. Ginipai mo aberãha tigamo?

GUPAI ZIAZIA KEKEAPAI AGUMBAHA

“Zegino dunduko du ni zogozogo ho be gbegberẽ ko.” (1 Yoane 5:19) Bakitingbanga na bakere ome kurii ga aboro raka tigu, ono anga ko na ome kurii aboro dũ te.

  • GINI KURAPAI RENGBE ANI KA WIRIKAHA ROGO ZIAZIA KEKEAPAI TIPA KO? Bakitingbanga namangasunge na ziree tipa kadu na ome kurii aboro.—2 AKorindo 11:14.

  • Gbegberẽ atoro ima rengba ngba kura gene kadu na ome kurii aboro.—Matayo 12:22.

  • Mbiko ga Mbori undo, mo ima rengba ka “ká fu Bakitingbanga.”—Yakoba 4:7.