Si gu ku mbatayo

Si gu kuti ue abanguaha

Mo gu kuti tangaratangara ariihe

ADezire Yekova

Zande

Gini Apai Nzunzu Ziazia Kekeapai Ayugoho?

 KURA APAI

Yesu Kristo Nga gu Masiya I Akido Pako

Yesu Kristo Nga gu Masiya I Akido Pako

YEKOVA asa dungu anebi i gumba dungu apai tipa pa vungayo Masiya, pa gako sunge, na pa kpioko. Agu apai anebi agumbaha re narengbe ka undo aboro i ini gu Batasi re ho ko nika ye ni. Agi asangbaanebi re adigi dunduko kuti Yesu Kristo. Si naabaha dunduko namangi a wa i agumbaha. Ani bingo bete agu asangbaanebi naadu tipa vunga Masiya na pa sonako.

Gu nebi nangia Yesaya aya wẽ Masiya nika ye ti gu ngbatunga nga ga Bakindo Davide. (Yesaya 9:7) Kinawo si amangi.Matayo 1:1, 6-17.

Gu kura nebi nangia Mika aya wẽ i nika vunga Masiya “Betereme Efurata” yo na ko nika du ni bazogo. (Mika 5:2) Ti gu regbo i avungu Yesu, agbata adu ue Yisaraere yo rimoho angia Betereme. Gu sa adu mbembedi na Nazareta pavuru Yisaraere ku nodiyo, gu kuraha kidu pati Yerusarema Yuda yo. Gu naadu pati Yerusarema i anaayambaha mbata nga Efurata. Gure nga gu gbata i avungu Yesu rogoho, a wa nebi agumbaha!Matayo 2:1.

Gu kura nebi aya wẽ i ayamba Wiri Mbori “Ezipeta yo.” Ho Yesu adu ni ni fogoko, i aoro na ko ku Ezipeta yo. I ayego na ko fuo kpi Erode, si kini digisi sangbanebi.Osea 11:1; Matayo 2:15.

Nibi gu kekeapai duti  kpewaraga 200, agu averesi tangarayo ho tii gu kekepai nga “Sangbanebi” nafura tipa agu apai i agumbaha tipa Masiya. Si naida mo gedihe ki gedi pa wai si adigi rogo agu averesi du tii gu kekepai nga “Wai Si Adigi.” Ka mo mangihe wo, si nyakasi gamo idapase anyakasa kuti Sangba Mbori.

Wa mo awisigo agi averesi re, mo ini gupai nga, agu apai anebi agumbaha tipa Masiya re, i agumbaha badungu akama agarã kusayo mbata fu vungayo ko. Yesu aya:  “I ka digisa apai dunduko, nga gu du ni keke he rogo ga Mose Rugute yo na anebi na Atambuahe yo tipa re.” (Ruka 24:44) A wa mo ka bihe rogo gamo Ziazia Kekeapai, agu asangbaanebi re aima digo dunduko na agu afutufutuhe!