Si gu ku mbatayo

Si gu kuti ue abanguaha

ADezire Yekova

Zande

Ga Mbori Ngbi Nga Gine?

Ga Mbori Ngbi Nga Gine?

Mo nabihe nga . . .

  • si nga he du ngbaduroyo?

  • si nga paradizo du ngbangbaturũ yo?

  • si nga zogarago du ngbangbaturũ yo?

 GUPAI ZIAZIA KEKEAPAI APEHE

“Mbori ngbangbaturũ amáa gu ngbi nga gu ka i agbárasa nga ha wa sa ya.”Daniere 2:44, Ziazia Kekeapai [1978].

‘I fu wiri fu rani nga kumbagude; pa zogaaboro adú pagorõko.’Yesaya 9:6.

GU WENEAPAI GA MBORI NGBI NIKA YE NA NI

  • Ruru zogarago nga gu rengbe mo ka gbia undo behe.Yesaya 48:17, 18.

  • Bawene raka na wene kpotose gbiati ngbarago rogo vovo zegino.Yugoti 21:3, 4.

 YA MO SI NAIDA AIDA ANI IDI KUTI GUPAI ZIAZIA KEKEAPAI APEHE?

Ii, ani bingo nduapai ue:

  • Yesu ayugu kpia agu apai ga Mbori Ngbi nika mangaha. Yesu aya fu apefuoko i nikpari tipa ga Mbori Ngbi si ye, na kini kpari tipa gupai Mbori akpinyemuhe mangi auru kpotosende no. (Matayo 6:9, 10) Yesu aima yugo kpia agu apai ga Mbori Ngbi nika mangaha.

    Ho Yesu adu ni auru kpoto sende, ko arigi aboro gomoro, ki husi aborokaza, na ki zingisi kpikpi aboro be kpio! (Matayo 15:29-38; Yoane 11:38-44) Wangia ko Bazogo nga ga ga Mbori Ngbi, ko amangi kpia gu bawene apai ko nika mangaha ku mbatayo fu avuruko.Yugoti 11:15.

  • Agu apai namanga rogo zegino nayugo gupai nga ga Mbori Ngbi nika ye barambeda. Yesu agumba gupai nga, ho ga Mbori Ngbi nika mbeda ni ka ye na zereda ku auru kpotosende, zegino nika hi be avura, angbongi, na abazigizo.Matayo 24:3, 7.

    Kina boro agu apai re ani abihe areme si nimangi. Si naida ani du tie na gu kido nga, ga Mbori Ngbi ima mbeda ka digiso gu gbegberẽ apai re dunduko na agu akuraha a.

 MO BERẼNGA KURII GIPAI RE

Raka nika du wai rogo ga Mbori Ngbi?

Ziazia Kekeapai nakaragapai kuti gu sanahe re rogo ATAMBUAHE 37:29 na YESAYA 65:21-23.