Si gu ku mbatayo

Si gu kuti ue abanguaha

ADezire Yekova

Zande

Ya mo agu Aboro Naima Kpi Araka Berewe?

Ya mo agu Aboro Naima Kpi Araka Berewe?
  • Ya mo mo nabihe nga i araka berewe?

  • Ya mo mo nabihe nga i arakanga berewe te?

  • Mo ainongo ginigu nika manga te?

 GUPAI ZIAZIA KEKEAPAI APEHE

“Aboro azinga be kpio.”Amokedi 24:15, Ziazia Kekeapai [1978].

 YA MO NDUPAI HO NZUNZU ANI IDI KUTI GUPAI ZIAZIA KEKEAPAI APEHE?

Ii, ani bingo nduapai biata:

  • Mbori nga Bakusi Unga. Ziazia Kekeapai naya tipa Yekova wee ko “nafu unga fu aboro dũ.” (Amokedi 17:24, 25; Atambuahe 36:9) Wa duhe nga ko nafu unga fu ungahe dunduko, ko rengbe arengba ka zingisa agu aboro naima kpi i raki berewe.

  • Mbori aima zingisa aboro be kpio mbata kusayo. Ziazia Kekeapai nafura tipa aboro muambe nga aguyo i azingisi yó i ki raki berewe. Aguyo angia agude, aguyo ki ngia kuru aboro, akumba, na adee. Aguyo akpiki i ki zingisi yó be kpio mbata fu si di bakere regbo, ono gu kura ní sa akpi ki mangi aˈuru biama ku murõ yo!Yoane 11:39-44.

  • Mbori na nyemu ka zingisa aboro be kpio. Yekova ima soga kpio bambiko si nga vurarani. (1 AKorindo 15:26) Ko na “nyemu” ka nyasa riipa gu vurarani re nizingisa ko aboro be kpio. Ko na nyemu ka zingisa agu aboro ko abanda payo berãko yo tipa i raki berewe auru kpotosende ane.Eyobo 14:14, 15.

GUPAI RENGBE KA MANGA FORO KA MO IDI KUTI GUPAI RE

Mo rengbe ka gbia wasa ho gamo boro akpi ni.2 AKorindo 1:3, 4.

Si nadia gunde be kpio kusayo tiro.AEbere 2:15.

Si nasa ro mo du na maabangirise nga mo abi gu gamo aboro abi berewe nakpiki.Yoane 5:28, 29.

 MO BERẼNGA KURII GIPAI RE

Tipagine ani agbinza ti ni na kini kpiki?

Ziazia Kekeapai nakaragapai kuti gu sanahe re rogo BAMBATA PAI 3:17-19 na AROMO 5:12.