Si gu ku mbatayo

Si gu kuti ue abanguaha

ADezire Yekova

Zande

Mo Nabi Raka Kumbatayo Wai?

Mo Nabi Raka Kumbatayo Wai?

 

  • Ya mo zegino nika nye kina wai duhe re?

  • Ya mo zegino nika gberã susi gi duhe kungbaha re?

  • Ya mo zegino nika ngba angba kumbatayo?

 GUPAI ZIAZIA KEKEAPAI APEHE

“Mbori . . . awéga aume ti bangiriyo ku sa yo dunduko. Kpio adú nga berewe te, rungo adú nga yo na akpe na ima a te, bambiko bambata apai aima nyasa.”Yugoti 21:3, 4, Ziazia Kekeapai [1978].

WAI RAKA NIKADU NIBAWENEHE KUMBATAYO

Aboro nikaa manga ndikidi wene asunge.Yesaya 65:21-23.

Kaza gbiati rungo adunga berewe te.Yesaya 25:8; 33:24.

Aboro araka na gayo aborokporo na abakureayo na ngbarago nyeanye kindi.Atambuahe 37:11, 29.

 YA MO NDUPAI HO NZUNZU ANI IDI KUTI GUPAI ZIAZIA KEKEAPAI APEHE?

Ii, ani bingo nduapai ue:

  • Mbori na rengba beko ka digiso gako akidohe. Rogo Ziazia Kekeapai, kina Yekova Mbori sa i aya tiko gu “Mbori du na tandu apai dũ.” Ko na gu ome tiko adunga digidoho ti ni ya. (Yugoti 15:3) Ko ima rengba ka digiso gako kidohe ka sa zegino nibawenehe. Ziazia Kekeapai nape gupai nga: “Ka Mbori mangi apai amanga dunduko.”Matayo 19:26.

  • Mbori na nyemu ka digiso gako akidohe. Nikpiapai, ­Yekova na “nyemu” ka zingisa agu aboro naima kpi tipa i raki berewe.Eyobo 14:14, 15.

Ziazia Kekeapai nayugo gupai a nga Wiri Mbori nga Yesu ahusi aborokaza. Tipagine ko amangi gupai re ti ni? Bambiko ko aima kpinyemu ka mangaha wo. (Marako 1:40, 41) Ko adu na nyemu ka undo aboro teketeke wakina Bako.Yoane 14:9.

Sidu tie, ani rengbe kadu na gu kido nga Yekova na Yesu nakpinyemu ka undo rani ani du na ngbarago kumbatayo!Atambuahe 72:12-14; 145:16; 2 Petero 3:9.

 MO BERẼNGA KURII GIPAI RE

Waidu Mbori nika sa zegino nibawenehe?

Ziazia Kekeapai nakaragapai kuti gu sanahe re rogo MATAYO 6:9, 10 na DANIERE 2:44.