Si gu ku mbatayo

Si gu kuti ue abanguaha

Mo gu kuti tangaratangara ariihe

ADezire Yekova

Zande

Gu Wene Pangbanga Naye be Mbori

 Wirikapai 10

Wai Rengbe Mo ka Ino Ndikidi Irisombori?

Wai Rengbe Mo ka Ino Ndikidi Irisombori?

“Oni bánda tironi be airazire anebi.”—MATAYO 7:15.

“Ya yo auru ngbayo i ini Mbori; ono i naora rimoko ti gayo mangaapai.”—TITO 1:16.

1. Ya mo ndikidi pambori ho gbua kina sa?

Yesu ayugu pambori gbua kina sa fu apefuoko, nga ndikidi pambori. Si wakina gene nandu sa nyenye unga. Yesu ayaa: “Aboro nabi he ni kina umba yo.” (Matayo 7:14) Mbori naida na gu iriso du mburuhe rii gu rengo du rogo Fugoko yo nga Ziazia Kekeapai. Ndikidi airisimbori nikodikodiyo dunduko rogo bangisa idapase.Mo gedi Yoane 4:23, 24; 14:6; AEfeso 4:4, 5.

2. Ginipai Yesu apehe tipa zire aKristano?

Yesu ayawee zire anebi nika gbarasa gu pambori nga ga aKristano. Zire anebi namanga tiyo wakina ndikidi airisimbori. I nayawee ndikidi aKristano nga yó. Ono mo rengbe arengba ka ino ada nzunzu nga yó. Wai? Kina ndikidi irisombori sa nakusa ndikidi aKristano nga aguyo aboro abi gayo wene asino na mangaapai abi ziazia.Mo gedi Matayo 7:13-23.

3. Wai gu rengbe mo ka ino ndikidi airisimbori?

Mo bingo agi apai du bisue i aino yó ti ni re:

  • I naˈasada ka raka ringbisihe kuti gaha arugute. Sidu, ndikidi pambori kia ti agu apambori du mburuhe rii ga aboro berãapai. (Matayo 15:7-9) Ndikidi airisimbori atungusanga gu kurapai kini mangi gu kia te.Mo gedi Yoane 17:17; 2 Timoteo 3:16, 17.

  • Yesu airisi rimo Mbori nisako ho aboro  inihe. Ko aundo aboro i ini Mbori na ki yugu gupai fuyo nga i nikpari tipa rimo Mbori du niirisiirisihe. (Matayo 6:9) Rogo gu rago mo araka rogoho, gini pambori nasa rimo Mbori aboro inihe?Mo gedi Yoane 17:26; Yoere 2:32.

  • Mbori akedi Yesu tipa ko tungusi gu wene pangbanga nga ga ga Mbori Kindo. Ga Mbori Kindo nga gu yangara he si aida aboro moibangiriyo kutini bambiko si nika mbakada apai dunduko fu aboro. Yesu andu kindi kumbatayo na fura tipa ga Mbori Kindo da kina ti uru kpioko. (Ruka 4:43; 8:1; 23:42, 43) Ko ape gupai nga apefuoko nikaa tungusapaha. Ka boro ye fuoro ka fura na mo tipa ga Mbori Kindo, mo berẽhe nga gini pambori du ní nzunzu rogoho?Mo gedi Matayo 24:14.

  • Mo rengbe ka inoyo rogo gu gene i arimisongo tiyo kurogo birĩ-zogarago watadu gu tagbagaapai du dagba aboro ya. (Yoane 17:16; 18:36) Na berewe, i ameranga fuo gu gbegberẽ mangaapai nga ga gi zegino re na gaha abipai te.Mo gedi Yakoba 4:4.

  • Fugo Mbori naundoyo i wiriki ka irisa aboro rogo angbatunga dunduko. Wa vura duhe nga zire pambori aima digo nifubee nyanyakii tipa agu avura nga ga arikaaboro, ndikidi airisimbori naká aká ka mangaha wo. (Mika 4:1-3) Ndikidi aKristano namangasunge na gayo regbo gbiati agu ahe du beyo ka undo na ka fu nyakasaro fu akurayo.Mo gedi Yoane 13:34, 35; 1 Yoane 4:20.

4. Ya mo mo rengbe ka ino ndikidi pambori?

Gini pambori namaamburu gaha ayugopai dunduko rii Fugo Mbori, kini irisi rimo Mbori, na kini tungusipa ga Mbori Kindo nigu yangara he nika mbakada ga aboro apai dunduko? Gini badona aboro duna nyemuse na kini sogo pa sovura? Mo nabihe nga ada du?Mo gedi 1 Yoane 3:10-12.