Si gu ku mbatayo

Mo gu kuti tangaratangara ariihe

ADezire Yekova

Mo sia fugo Zande

 Wirikapai 15

Tipagine Si Aida Mo Nindu Ti Ni Kindi Kumbatayo?

Tipagine Si Aida Mo Nindu Ti Ni Kindi Kumbatayo?

1. Gini undo mo nika gbiaha be ndu mo kumbatayo na gamo wirika Ziazia Kekeapai?

Si nawira gupai tigu nga, gi bangua ayugopai nga ga Ziazia Kekeapai re ima nyakasa gamo nyemuse tipa Yekova. Sidu tie, si naida mo nimangi ome kindi tipa ka nyakasa gu nyemuse re. (1 Petero 2:2) Pa mbeda mo na Mbori kindi niwirika mo Fugoko nga Ziazia Kekeapai rengbe ka sa ro mo duna maabangirise tipa nyenye unga.Mo gedi Yoane 17:3; Yuda 21.

A wa gamo inohe tipa Mbori nikaa sona, kinawo gamo idapase nikaa nyaka. Idapase nika undoro mo nimangi gupai ngba bangiri Mbori. (AEbere 11:1, 6) Si nika fõngbaduroyo tipa mo saberãro ti gamo ingaapai na ki mangi ariapai rogo gamo gene raka.Mo gedi Amokedi 3:19.

Mo ima rengba ka rimo kurogo wene pagume na Yekova

2. Wai rengbe gu inohe du mo nani tipa Mbori ka undo kura aboro?

Mo nikadu adu na nyemu ka gumba agu apai mo awirikaha fu kura aboro, bambiko aboro dunduko niidu na nyemu ka gumba gupai nga wene pangbanga fu akurayo. Wa mo nikaa ndu kumbatayo kindi na wirika Ziazia Kekeapai, mo nika ino wai ka mangasunge na Ziazia Kekeapai tipa ka sakapai tipa gamo idapase kuti Yekova na kuti wene pangbanga.Mo gedi ARomo 10:13-15.

Dungu aboro ninaatona sakapai tipa gu wene pangbanga du rogo Ziazia Kekeapai na abakureayo singia agumeyo. Mo du na tatamana. Kuba gupai nga ka ya fuyo wee gayo pambori nga zire pambori, mo pepa agu akidohe Mbori nakidopaha kumbatayo. Mo tingidi gupai a nga, aboro naaida gbe ka bi sino aboro angianga gupai i gumbaha ya.Mo gedi 2 Timoteo 2:24, 25.

3. Gini wenepai rengbe mo ka gbiaha mbiko du mo na wene pagume na Mbori?

Wirika Fugo Mbori nika undoro mo sono rogo toro yo. Niyangaraha, mo nikadu na kparakpara pagume dagbaro na  Yekova. Mo nikadu adu niboro sa dagba gako aborokporo.Mo gedi 2 AKorindo 6:18.

4. Wai rengbe mo kaa sona kumbatayo kindi?

Mo rengbe ka sona kumbatayo rogo toro yo nindu mo kindi kumbatayo na wirika Ziazia Kekeapai. (AEbere 5:13, 14) Mo sana boro sa dagba aDezire Yekova tipa ní wisigi Ziazia Kekeapai kini mangisunge na gu buku nga Gini Apai Nzunzu Ziazia Kekeapai Ayugoho? A wa mo nikaa wirikapai rogo Ziazia Kekeapai gbe, kinawo a mo nikadu na diabese gbe rogo gamo raka yo.Mo gedi Atambuahe 1:1-3; 73:27, 28.

Gu wene pangbanga du rogo Ziazia Kekeapai naye be Yekova, nga Mbori ngbarago. Mo ima rengba ka mbeda naako ka si du nga mo mbembedii na gako aboro. (AEbere 10:24, 25) Wa mo nikaa asada tiro tipa ka iriso Yekova, gure nga mo nagbata gu unga nga ndikidi unga, nga nyenye unga. Mbeda na Mbori nga gu bawenepai si aida mo mangihe.Mo gedi 1 Timoteo 1:11; 6:19.