Si gu ku mbatayo

Si gu kuti ue abanguaha

Mo gu kuti tangaratangara ariihe

ADezire Yekova

Zande

Gu Wene Pangbanga Naye be Mbori

 Wirikapai 1

Gine Nga gu Wene Pangbanga Re?

Gine Nga gu Wene Pangbanga Re?

1. Gini pangbanga du naye be Mbori?

Mbori nakpinyemu gupai nga aboro raki bawene raka auru kpotosende. Ko akusi kpotosende na agu ahe du auruhe dunduko bambiko ko nakpinyemu aboro. Fuo regbo tooni, ko nika guari ka mangapai tipa aboro niraki bawene raka rogo arago dunduko auru kpotosende. Ko nika batasa aboro be agu apai naye na rungo.Mo gedi Yeremaya 29:11.

Zogarago ho nga ga awiri aboro rengbe ka dia zuũ, akaza, gbiati kpio kusayo te. Ono wene pangbanga kinaho. Gu wene pangbanga re nga, fuo regbo tooni, Mbori nika dia agu azogarago du awere kusayo ki moi gako kubaha. Avuru gu zogarago re nika raka rogo zereda na wene kpotose.Mo gedi Yesaya 25:8; 33:24; Daniere 2:44.

2. Tipagine si aida ti ni aboro gi wene pangbanga awere niipo?

Arungo nika nyasa kinaho Mbori nika dia gbegberẽ aboro ni kusayo auru kpotosende. (Zefania 2:3) Gini regbo gupai re nika manga? Mbori aima gumbapa gupai nika manga barambeda kumbatayo. Agu apai namanga awere rogo zegino nayugo gupai nga regbo ima mbeda tipa Mbori guari ka mangapai.Mo gedi 2 Timoteo 3:1-5.

3. Ginipai si aida ani mangihe?

Si naida ani wirikipai tipa Mbori rogo Sangbako yo nga Ziazia Kekeapai. Ziazia Kekeapai furani wakina gu waraga gu baagude nakpinyemu awirini nakedihe fuyo. Si nagumbapa wai furani rengbe ani ka raka wene raka awere na gupai rengbe ani ka mangaha tipa ka gbia nyenye unga kumbatayo. Ono kura aboro rengbe arengba ka soga gupai nga ka biro aboro niundo ro mo girogo Ziazia Kekeapai yo. Ono wa du Mbori du nakido pa bawene raka furani kumbatayo, ka mo mbunga aboro i gberesipaha bero ya.Mo gedi Asanza 29:25; Yugoti 14:6, 7.