Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Ndopvi nde hufanyo ye nyandzo ya Jehovah ?

 MSOMO 17

Namnaje o wavirilizi wa mzunguho wa risaïdiao ?

Namnaje o wavirilizi wa mzunguho wa risaïdiao ?

Malawi

Mhundrano wa mtekelezo.

Mtekelezo.

Mhundrano wa mazehi.

Ye Biblu huvumbua nadi nadi harumwa Mandzishi ya kigreki, Barnabas na Bolos, wavirilizi wa safirio harumwa ziara za mitsanganyio ye karne ya handa. Ze habari hindri waka hufanya izo ? Waka hushuhuliha ha kweli no mkayo mwema waho wamasihi wa saya. Bolos ha rongoa : « Nari rejeï raone o wananyasi [...] ili rijue ye namna walio » (Zitrendwa 15:36). Haka tayari ya hwenda kilometri majana menji ili huwahodarisha. Hata izo nde makswada yaho wavirilizi wa safirio wa leo.

Ngwa jao warinike jitihadi. Haïna mvirilizi wa mzunguhu ngu shuhuliho na mitsanganyio mengo mili takriban ; ngu pvitso mfumo mdzima pvadzima na wo, nkado mbili haïna mwaha. O uzoevu wa hawo na waho wandru washe wa hawo (eka wa lola) nguwona muradi kabisa. Ngwa jipviwao wajue ye mashababi no wazee, na wa dungane na sisi harumwa mtekelezo ne mitwalaa ya kibiblu. Ngwa nikao msaada haïna mdzima waho mtsanganyio ha huwafanyilia ziara pvadzima ne mazehi. Ngwa toao ze hutuba zitriao nvuu wakati wa mihundrano au wa makungomanyo (Zitrendwa 15:35).

Ngwa shuhulihao na wasi pia. O wavirilizi wa mzunguho ngwa saïdiao o wandru wahe mitsanganyio wakayena mfungatsano bora pvadzima na Jehovah. Ngwa unjilianao ndawo ne mazehi no warumishi washangirizi ili wajue ye maendeleo ya fanyishiha na wanike nyaswia yila hali ya huzingara ze dhwamana za hawo. Ngwa saïdiao ye mapionie wahundre mavuna mema harumwa o mtekelezo. Ngwa jipviwao wajulane no wanyumeni na washuhulihe ne maendeleo ya hawo. Haïna mdzima ngu jiniko ha hiari, ha hujiona hama « mshirikiano wa hazi uhusu ze faïda za hatru » (2 Wakorintho 8:23). Imani ya hawo no mfungatsano wa hawo na Mungu, ngizo ho usoni sisi, mifano mema ya hushenkeza (Waebrania 13:7).

  • Ze habari hindri o wavirilizi wa mzunguho ngwa endao harumwa ye mitsanganyio ?

  • Namnaje ngojo faïdishiha ne ziara za hawo ?