Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Ndopvi nde hufanyo ye nyandzo ya Jehovah ?

 MSOMO 16

Warumishi washangirizi ngwaona dhwamana hindri ?

Warumishi washangirizi ngwaona dhwamana hindri ?

Birmanie

Mlazimisho.

Mhundrano wa mtekelezo.

Mrahatso wahe le Jumba la Kifaume.

Ye Biblu huvumbua janibu ya wana wawume waïli wa kimasihi washuhulihao ne ze dhwamana zaho mtsanganyio : o « wangalizi » no « warumishi washangirizi » (Wafilipi 1:1). Ha kawaïda, haïna mtsanganyio ngwaona wenji. O warumishi washangirizi ngwa fanyao hindri uhusu ye faïda ya hatru ?

Ngwa saïdiao ye mazehi. Ra mashababi au waduhazi, warumishi washangirizi ngwao karibu na Jehovah, wenyi waminifu na wenyi bidia. Harumwa o mtsanganyio, ngwa shuhulihao ne ze ndrongoo za kawaïda, lakini izo muhimu, uhusuyana ze hazi no mpangisho. Izo ngazi ruhusuo ye mazehi waparise wakati washuhulihe ne ze dhwamana za hawo uhusu o mfundisho no mtsungaji.

Ngwaona muradi. Warumishi washangirizi wadhwaminishiwa o mkaribisho wakati wa mihundrano. O wasaya washuhuliha ha hufanya ye sono, wazingara ze hisabu au wanika ye magazeti na ze wilaya za mtekelezo o wandru waho mtsanganyio. Ngwa rengao funvu uhusu mrahatso wahe le Jumba la Kifaume. Nadi nadi, ye mazehi ya walalika wasaïdie wamasihi waduhazi. Warumishi washangirizi huzingara ha hiari haïna dhwamana yontsi ya hawo, iyo ngayi tsongezao wastehilwa no wandru wontsi (1 Timothausu 3:13).

Ngwa nikao mfano mwema. Warumishi washangirizi wa tsaulwa holiho ze swifa za kiruhia za hawo. Wakati wa mihundrano, milazimisho ya hawo hujadidisha imani ya hatru. Harumwa mtekelezo, ye shime sha hawo hurizaïni. Mwishiliano wa hawo pvadzima ne mazehi hutsongeza furaha na udzima (Waefeso 4:16). Harumwa muda, ngwajo lima ze swifa za stahiki ili wa rendehe mazehi.

  • Warumishi washangirizi waladhimu wakayena swifa hindri ?

  • Ngwa fanyao hazi hindri ili husaïdia o mtsanganyio ?