Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Ndopvi nde hufanyo ye nyandzo ya Jehovah ?

 MSOMO 18

Namnaje risaïdiao wananyasi wakati wa taabu ?

Namnaje risaïdiao wananyasi wakati wa taabu ?

Jamhuri ya dominiki

Japon

Haïti

Wakati wa kafa, ngari jipangishao haraka ili huhuyi Mazahidi wa Jehovah wa hutajiao msaada. Ze jitihadi zinu ngazi onesao ye mahaba ya hatru ya unanya, wa kweli (Yohana 13:34, 35 ; 1 Yohana 3:17, 18). Namnaje ritoao msaada wa hatru ?

Ngari toao msaada wa mapesa. Ye karne ya handani, o wamasihi wa Antioshe wa pveha msaada wa mapesa wala wa Jude, wa hundrana na twauni (Zitrendwa 11:27-30). Leo yinu, wakati ha wakati, ngari ishiao huka wananyasi wa mahalani fulani ngwaona haja ya msaada. Yapvo, haïri o mtsanganyio wa hatru, ngari toao msaada wa mapesa ili riwasaïdie (2 Wakorintho 8:13-15).

Ngari huyio wandru. Ye mazehi walio o mahalani yahe le kafa ngwa tsahao haïna mundru waho mtsanganyio ili wajue eka wavuku. Ye Janibu ya mashawiri ya huhuyi hupangisha o msaada wa malalao na matwabibu, wajau, huwanyisa shahula, maji ya hunwa, mavazi ne makazi. Mazahidi wenji waliona ujuzi ngwa endao ha hiari he gharama za hawo ili hurenga funvu o uhuyi o wandru au walekeze ze nyumba ne Majumba ya Kifaume ya menyeha. Ho udzima wa hatru no uzoeu wa hufanya hazi pvadzima, ngari jipangao haraka eka ngiyo wajibu. Ngari huyio « wala ikao ngwaona imani ndzima sawa na sisi », sha wajau, eka iyo hukiri, ngari saïdiao wandru warwajina, wahe ze dini pia (Wagalatia 6:10).

Ngari nikao msaada wa kiruhia na wa hutruliza moo. O wahundrana ne makafa hususwani ngwaona haja watruliziwa. Wakati wuwo, ngari hundrao nvuu zalawa na Jehovah, « ye Mungu wa mtrulizo wontsi » (2 Wakorintho 1:3, 4). Ha hurongoza wala walio harumwa hali ndziro ye miyadi ya lawa ne Biblu, ngari wa nikao yakini huka o Ufaume wa Mungu ngawujo zia haraka pvanu ye makafa, ze ndroso na ze nyisikitifu (Ufunuo 21:4).

  • Ze habari hindri, rishindao rijipangishe haraka wakati wa kafa ?

  • Namnaje ritrulizao o wahundrana ne makafa ?