Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Ndopvi nde hufanyo ye nyandzo ya Jehovah ?

 MSOMO 26

Namnaje ngari lekezao ye Majumba ya Kifaume ya hatru ?

Namnaje ngari lekezao ye Majumba ya Kifaume ya hatru ?

Estonie

Zimbabwe

Mongolie

Porto Riko

Le dzina litukufu la Mungu landzihwa harumwa Majumba ya Kifaume pia ya Mazahidi wa Jehovah. Yapvo, shinu sheo na iyo muhimu uhusu ye ibada ya hatru yifanyihe harumwa Majumba marahafu, manadhifu na majadidifu. Haïna mundru ngu shindo hurenga funvu.

Ha hurenga funvu ha hiari uhusu o mrahatso baada o mhundrano. Baada haïna mhundrano, Mazahidi ngwa fanyao ha hiari mrahatso mtiti wa le Jumba la Kifaume la hawo. Nkado ndzima haïna mfumo, mrahatso mkamilfu wufanyiwa. Shehi au mrumishi mshangirizi ngu wongozo o mrahatso, ha kawaïda, ha hurumia listi ya hazi za hufanya. Holiho ze haja, baadhwi ngwa nikao ha hiari o msaada wa hawo ili hupvea, hutria aspirateur, huhosa pvontsi, hutoa le jufu, huhamisi ziri, huhosa ye mishana na ze nydoo, hutoa ze kaanga au ulekeza pvondze. Nkado ndzima harumwa mwaha, ngari tsauao usiku ili ufanya mrahatso mkamili. Ha hulalika wana wa hatru warenge funvu, ngari wa fundishao wa stehi ye mahala ya ibada ya hatru (Mhubiri 5:1).

Ha hufanya milekezo. Haïna mwaha, ngari tundao ho ndani na pvondze la haïna Jumba la Kifaume. He namna yinu, nadi nadi hazi za mlekezo zifanyiwa ili libakishe lijadidifu, na hupukana na gharama zitsona maana (2 Habari za nyakati 24:13 ; 34:10). Jumba la Kifaume lirahafu na lijadidifu lo mahala ya stahiki ili huambudu Mungu. Ha hurenga funvu harumwa ze hazi zinu, ngari onesao ye hali ripvendzao kabisa Jehovah ne mahala ya ibada ya hatru (Zaburi 122:1). Iyo hunika wajau ushahidi mwema ye majirani (2 Wakorintho 6:3).

  • Ze habari hindri karitsu ladhimu ripuzi ye mahala ya ibada ya hatru ?

  • Namnaje Majumba ya Kifaume ya hatru ya lekeziwao ?