Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Ndopvi nde hufanyo ye nyandzo ya Jehovah ?

 MSOMO 15

Namnaje mazehi ngwa rumishihao harumwa o mtsanganyio ?

Namnaje mazehi ngwa rumishihao harumwa o mtsanganyio ?

Finlande

Msomeso.

Msaïdio wa binafsia.

Mtekelezo.

Mazehi wa hatru wawo tsi mamonpera. Kwatsu lipvwa holiho ndizo wa fanyao harumwa o mtsanganyio. Mfano wahe karne ya handa, wawo wandru walio karibu na Jehovah, watsungulwa wakaye watsungaji waho mtsanganyio (Zitrendwa 20:28). Ngwaona swifa za kiruhia ili wa wongoze na wa shuhulihe no mtsanganyio, « pvatsina huladhimisha, sha ha hupvendza ; pvatsina mpvendzo mali ya udhuluma, sha pvadzima na jitihadi » (1 Butrus 5:1-3) Ye Mazehi ngwa fanyao hindri uhusu ye faïda ya hatru ?

Ngwa shuhulihao na si, na hurihifadhwi. Ye Mazehi huwongoza, huhifadhwi na husaïdia o mtsanganyio hubakishe karibu na Jehovah. Ha huelewa huka Mungu nde ya watakabadhwisha ye dhwamana kuu yinu, kwatsu ritawalia ; badala ya izo, ngwa shangiriao o mkayo mwema wa hatru ne furaha ya hatru (2 Wakorintho 1:24). Hama mtsunga magondzi ngu shuhuliho na haïna gondzi la hahe, mazehi ngwa fanyao jitihadi wajue haïna mdzima harumwa o mtsanganyio (Mithali 27:23).

Ngwa risomesao rifanye ze nyandzo za Mungu. Haïna mfumo, ye mazehi ngwa wongozao ye mihundrano yaho mtsanganyio ili hujadidisha ye imani ya hatru (Zitrendwa 15:32). Wandru waume wanu wajitoa ha moo, ha hunika mfano mwema harumwa mtekelezo, ha dungana na si na hurifundisha harumwa ze ndzia zontsi zaho mtekelezo.

Ngwa ritriao jitihadi. Ili husaïdia haïna mdzima harumwa si ya kayena mfungatso wa bora pvadzima na Jehovah, ye mazehi huhadisi pvadzima na si harumwa le Jumba la Kifaume au ho dahoni hatru. Ye makswada ya hawo ndo hurisaïdia na hutruliza ze moo za hatru pvadzima ne Biblu (Yakobo 5:14, 15).

Pvamoja ne ze hazi za hawo za mtsanganyio, baadhwi yahe mazehi ngwa fanyao hazi, wajau ngwaona ze dhwamana zahe famiyi za hawo zidaïo wakati na ufahamu. Wananya wanu « wa fanyao hazi ha bidia » wa stahiki hishima (1 Wathesaloniki 5:12, 13).

  • Namnaje mazehi ngwa rumishihao harumwa o mtsanganyio ?

  • Eba, ngwa nikao msaada hindrini haïna mdzima harumwa si ?