Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Ndopvi nde hufanyo ye nyandzo ya Jehovah ?

 MSOMO 12

Ye hazi ya hatru ya mtekelezo iyo hufanyiwa je ?

Ye hazi ya hatru ya mtekelezo iyo hufanyiwa je ?

Espagne

Biélorussie

Hong Kong

Pérou

Muda mshashi kabla ya hufa, Isa ha juliza : « Habari njema yinu yaho ufaume yijo tekeleziwa duniani la kantsilwa pia, ha ushahidi ya matwaïfa pia ; baada yapvo, o mwiso ngawujo huja » (Mata 24:14). Sha, namnaje ye hazi ya mtekelezo yinu yijo fanyiwa duniani pia ? Ha hudunga o mfano wa hantsilwa ni Isa (Luka 8:1).

Ngari fanyao jitihadi ritekeleze nyumba ha nyumba. Isa ha fundisha wana zioni wa hahe wa tekeleze ye habari njema, nyumba ha nyumba (Mata 10:11-13 ; Zitrendwa 5:42 ; 20:20). Wamasihi wa handa wakana wilaya makhususu waka huladhimu watekeleze (Mata 10:5, 6 ; 2 Wakorintho 10:13). Sawa sawa, leo yinu, o mtekelezo wa hatru hupangishiha ndro : haïna mtsanganyio nguwona bavu la hawo la hutekeleza. Namna yinu, ngarijo shinda ritimizi ye amri ya Isa ya rinika : hutekeleza na hutoa ushahidi kamili (Zitrendwa 10:42).

Ngari fanyao jitihadi rihundre wandru mahala walio. Isa haka hutekeleza harumwa marengwe, mahala pia pvakaya wandru, ho mbwani mwe bahari au karibu na isima (Markus 4:1 ; Yohana 4:5-15). Ngari dungao o mfano wa hahe ha huhadisi no wandru uhusu ye Biblu mahala pia rijo shinda : ho pareni, ho hazini, harumwa mabustwani, na mahala ya saya. Ngari rumiao wajau ye telefoni. Na wakati ye shwabaha shilio, ngari nikao ushahidi ye majirani ya hatru, na wala rishirikianao ho hazini, ho likoli, no wandru wahe famiyi ya hatru. Haïri ze jitihadi zontsi zinu, mamilioni ya wandru duniani pia wa ishia « ye habari njema yaho mvukisho » (Zaburi 96:2).

Ndopvi ujo andza umjulize ye habari njema yaho Ufaume wa Mungu ne faïda ya hayo harumwe zijao ? Utsi zingare wawe tshe ye habari ya twamaa yinu, yijulize haïna wakati uliona shwabaha !

  • « Habari njema » hindri yiladhimu yijuliziwa ?

  • Ngari dungao mifano hindrini ya Isa ili ritekeleze ?