Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Ndopvi nde hufanyo ye nyandzo ya Jehovah ?

 MSOMO 5

Mihundrano ya kimasihi ya hatru huribalia hindri ?

Mihundrano ya kimasihi ya hatru huribalia hindri ?

Argentine

Sierra Leone

Belgiki

Malaisie

Wenji kwatsu enda harumwa mihundrano ya kidini ha sababu kwatsu parisa uwongozi wa kiruhia wala utrulivu. Yapvo, ze habari hindri huhudhuria harumwa mihundrano ya pangishiwa ne Mazahidi wa Jehovah ? Ngojo hundra faïda hindri ?

Furaha ya hushirikiana no wandru wa pvendzanao. Wamasihi wahe karne ya handa waka wapangishiha ha mitsanganyio. Waka hunjiliana ili huambudu Mungu, hutwali ye Mandzishi na hutriana nvuu (Waebrania 10:24, 25). Harumwa hawa ya mahaba ikao haïna mdzima ngu shuhuliho no wa saya, waka hutsanganyiha ndawo no wandzani wa kweli, mengoni mwo wananya no wana washe wa kiruhia wa hawo (2 Wathesaloniki 1:3 ; 3 Yohana 14). Ha sababu ngari dungao o mfano wa hawo, iyo hurinika furaha sawa ne ya hawo.

Msomeso ili hutria ndziani ze kanuni za kibiblu. Hama nde zama za kibiblu, wandru wawume, washe no wana ngwa tsanganyihao pvamoja. Wasomesaji wa hodari ngwa rumiao ye Biblu ili warisaïdie hurambua ye hali ya hutria ndziani ze kanuni za kibliblu harumwa maesha ya hatru ya haïna usiku (Mkumbusho wa Taureta 31:12 ; Nehemia 8:8). Haïna mundru ngu juo ya rongoe uhusu ye imani ya hahe ne twamaa ya hahe, ha hurenga funvu harumwa majadiliano na huimba (Waebrania 10:23).

Ye furaha ya hukana imani kuu. Rasul Bolos ha ambia o wandru waho mtsanganyio wa wakati uwo : « Ngam hutajio kabisa ni muoneni [...] ili ribadilishe ha jitihadi, yike haïna mdzima ya hodarishe ye wa saya he imani ya hahe, ye ya hanyu ne ya hangu » (Waroma 1:11, 12). Hunjiliana daïma pvadzima ne Mazahidi wa Jehovah wa rwajina hujadidisha ye imani ya hatru na ye anzma ya hatru ya hueinshi ukimasihi.

Eba ngu andzo huhudhurie harumwa mhundrano ujao wa mtsanganyio wa hatru ili huona ye faïda ya hawo ? Ngojo karibishiwa ndro ! Mihundrano ya hatru iyo bure ; kapvaja paro hukaya malipvo.

  • Ngari dungao mfano hindri harumwa ye mihundrano ya hatru ?

  • Mihundrano ya hatru ngayi ribaliao faïda hindri ?